(සුජිත් හේවාජුලිගේ)

හිටපු අමාත්‍ය මහාචාර්ය ජී.එල් පීරිස් මහතා ඔහුගේ නාරාහේන්පිට කිරුළ පාරේ නිවසේදී පසුගිය 7 වැනිදා  දේශපාලන පක්ෂ 17ක පමණ නායකයන් සහ නියෝජිතයින් හමුවී සාකච්ඡා පවත්වා ඇතැයි වාර්තාවේ.

වර්තමාන ආණ්ඩුවේ ක්‍රියා කලාපය , වර්තමාන දේශපාලන සහ ආර්ථික තත්ත්වය  සහ  ඇමෙරිකානු බදු අයකිරීම්  ඇතුළු කරුණු ගණනාවක් පිළිබදව  මෙහිදී සාකච්ඡා කෙරුණු බව ඊට සහභාගි වූ හිටපු මන්ත්‍රීවරයෙක් පැවසීය.

වර්තමාන තත්වය හමුවේ ඉදිරි දේශපාලන කටයුතු මෙහෙයවිය  යුතු ආකාරය සම්බන්ධයෙන්  මෙහිදී වැඩිදුරටත් සාකච්ඡා කර ඇත.

මෙම සාකච්ඡාවට රවුෆ් හකීම්  ජීවන් තොණ්ඩවන්  පලනි දිගම්බරම් කබීර් හෂීම්, මනෝ ගනේෂන්, ඩීවී චානක, රමේෂ් පතිරණ, ෂෙහාන් සේමසිංහ   ඇතුළු   හිටපු  සහ දැනට පාර්ලිමේන්තු සිටින  මන්ත්‍රීවරු පිරිසක්   සහභාගි වූහ.

ශ්‍රී ලංකා පොදු ජනපෙරමුණේ ජාතික සංවිධායක පාර්ලිමේන්තු මන්ත්‍රී නීතිඥ නාමල් රාජපක්ෂ මහතාද පසුගියදා ශ්‍රී ලංකා පොදු ජන පෙරමුණින් වෙන්ව ගිය හිටපු මැති ඇමති පිරිසක් සමග  සාකච්ඡා පැවැත්විය.