(ෂේන් සෙනෙවිරත්න)

මෙරට කඳුකර ප්‍රදේශවල අඩි 5000 කට ඉහළින් ඇති සියලු ඉදිකිරීම් ඉවත් කිරීමට ගියහොත් එය මෙරට ආර්ථිකයට මෙන්ම සංචාරක ක්ෂේත්‍රයටද බලපාන කරුණක් වනු ඇතැයි පේරාදෙණිය විශ්ව විද්‍යාලයේ භූගර්භ විද්‍යා අංශයේ හිටපු අංශාධිපති ජ්‍යෙෂ්ඨ මහාචාර්ය අතුල සේනාරත්න මහතා කියයි.

මාධ්‍යයට අදහස් දක්වමින් ඒ මහතා අවධාරණය කර සිටියේ නුවරඑළිය නගරයද එම අඩි 5000 සීමාවට අයත් වන බැවින් මෙන්ම තේ ඇතුළු වෙනත් ආර්ථික භෝගද ව්‍යාපාරද ඉවත් කිරීමට පියවර ගතහොත් එය බරපතළ තත්වයක් වනු ඇති බවයි.

එය ක්‍රියාත්මක කිරීමට වෙනත් විකල්ප ක්‍රමවේදයන් තිබෙන බව පෙන්වා දෙන මහාචාර්යවරයා මෙරට මධ්‍යම කඳුකරයේ අඩි 5000 ට ඉහළ කොටසේ අතහැර දමා ඇති භූමි අවශ්‍ය තරම් තිබෙන බවත් එසේම තේ වගා කොට අතහැර දමා ඇති ඉඩම්ද පළමු ව්‍යාපෘතියක් වශයෙන් වන වගාව සිදුකළ හැකි බව මහාචාර්යවරයා කියයි.

එසේම අඩි 5000 ට ඉහළ කොටසේ ගල්පර පමණක් තිබෙන ප්‍රදේශ තිබෙන බවත් වන වගාවට ප්‍රථම ඒ සඳහා අවශ්‍ය පස් තට්ටු පිළිබඳව අධ්‍යයනය කොට එම වැඩපිළිවල ක්‍රියාත්මක කළ යුතුව තිබෙන බවද මහාචාර්යවරයා පෙන්වා දෙයි.