දිනක් ගතවීම යනු එක් දවසකින් හෝ වයසට යාමකි. ලෙඩ රෝග වැළඳීමට බාල, තරුණ, මහලු භේදය කිසි විටෙක බලනොපායි.
එබැවින් ඔබ ඉහත කවර කොට්ඨාසය නියෝජනය කළද දිනකට සුළු වේලාවක් හෝ මිඩංගු කරමින් තම ශරීර සෞඛ්යයේ පැවැත්ම කෙබඳුද යන්න තමා විසින්ම පිරික්සා කර බැලිය යුතු දෙයකි.
1) කුමන හෝ පරීක්ෂණයකට භාජන වෙනවා නම් ඉදිරියේදී ඔබව අවදානමකට ලක් කරන රෝගී තත්ත්ව ගැන පූර්ව අවබෝධයක් ලබා ගන්න.
කිනම් හෝ රෝගී තත්ත්වයක් තමාට ඇති බව වසර කිහිපයක් ගතවූ පසු දැන ගැනීමට වඩා ඒ ගැන කලින් දැනුම්වත් වීමට හැකි නම් නිසි ප්රතිකාර නිසි කලදී ලබා ගැනීමට පුළුවන. රෝගී තත්ත්වය බරපතළ වීමට ප්රථම එය මැඩ පවත්වා ගැනීමට හැකියාව ලැබීමම කෙතරම් මනසට , ගතට සුවදායකද?
2) හෘදය වස්තුව ගැහෙන රිද්මයට කන් දෙන්න.
හෘදයේ ගැස්ම ඒකාකාරී වීම සාමාන්ය වේ. ඊට කන්දීම සේම, ඇඟිලි තුඩු මගින් නාඩි පිරික්සා කර බැලීමද කළ හැකියි. රිද්මයේ යම් වෙනසක් ඇත්ද යන්න අවධානය යොමු කළ හැකියි.
3) ඔබගේ සම මෙන්ම නියපොතු දෙසත් වුවමනාවෙන් බලන්න.
නියපොතුවල පැහැයේ යම් වෙනසක් තිබේද, නිය දෙපස සම තුවාල වී ඇත්ද, නිය කරු මෙන්ම නිය අතර සම පෙදෙස දෙස අවධානයෙන් බලන්න. එසේම සමෙහි ඇස ගැටෙන කෙබඳු හෝ වෙනසක් ඇත්ද, ගෙඩි, ලප , පලු වැනි දෑ තිබේද යන්න පරීක්ෂා කර බැලීම තමාටම සිදු කර ගත හැකියි.
4) කාන්තාවන් පමණක් නොව පුරුෂ පක්ෂයද ස්වයං පරීක්ෂාවන් සඳහා නැඹුරු වීම ඉතා වැදගත්ය.
මෙහිදී ස්වයං පරීක්ෂාවක් ලෙස පියයුරු පරීක්ෂාව තමාටම කර ගත හැකියි. පියයුරෙහි අසාමාන්ය ගැටිත්තක්, ඉදිමුවක්, සැරව ගැලීමක් ඇත්ද යන්න බැලීම වැදගත් වේ.
5) ඔබගේ සිතිවිලි, හැඟීම්වලට සිදුවී ඇත්තේ කුමක්ද?
ඒවායෙහි දියුණුවක් සිදු වෙලාද? ඔබ පෙර සිටියාට වඩා තරහව,කෝපය පාලනය කරගෙන සිටීද? දුකක් දැනෙන හැම මොහොතකදීම හඬා වැටෙනු වෙනුවට එය විඳ දරා ගැනීමට අවැසි ශක්තිය ඔබ සතුද? නොඑසේ නම් නුරුස්සන ගතිය, උදාසීනත්වය දනවන සිතිවිලිවලට ඔබ සමීප වී ඇත්ද? අපව නිරෝගීව තැබුමටත්, මනසේ යහ පැවැත්මටත් සිතිවිලි කෙතරම් දායකද යන්න ඔබටම වටහා ගැනීම අපහසු නැත. නිවැරැදි සිතිවිලි යහපත් සෞඛ්ය ප්රවර්ධනයක් කරා ඔබව රැගෙන යයි.
6) අන්තිම අඩියට වැටුණු පසු තීරණ නොගන්න
දුක් වෙවී, හඬා වැටී ගන්නා තීරණත් අතර මඟදී වෙනස් වන තීරණත් නොව ප්රශ්නයට නිසි තීරණ ගන්නා තීරකයකු වන්න ඔබට පුළුවනි.
මෙයාකාරයෙන් තමාට තමාගේ බාහිර මෙන්ම අභ්යන්තරය ගැනත් විමසීමට හැකියි. එහිදී කල්තියා රෝග හඳුනාගෙන නිසි වෛද්ය ප්රතිකාර ලබා සුවපත් වීමටත් හැකියි. එසේම රෝගවලට එරෙහිව ප්රතිශක්තියක් සේම සුබවාදී දැක්මකට උත්තේජනයක් සැපයීමට තමාටම හැකි බව ඔබ තේරුම් ගන්නවා ඇත.
-සටහන- මාධවී ධර්මරත්න
සංවිධානාත්මක අපරාධකරුවකු හා ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටාට අවශ්ය කරන සියලු ඉල්ලීම් ලිඛිතව ත්
පොළොන්නරුව වැලිකන්ද සිංහපුර ප්රදේශයේ 26 වෙනිදා දහවල් 11 ට පමණ, ඉසඩ්. ඩී. ප්රධාන ඇලෙන් ගලා බසින කෙත් ඇළට වැටුණු අවුරුදු දෙකක පිරිමි දරුවෙකු කිලෝමීටර් දෙක
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අපව නිරෝගීව තබන සරල පුරුදු කිහිපයක්