ශ්‍රී ලංකාවේ අපනයන ක්ෂේත්‍රයේ ප්‍රමුඛතම සහ කීර්තිමත් සමාගමක් ලෙස දශක ගණනාවක් පුරා දෙස් විදෙස් පාරිභෝගික විශ්වාසය ඉහළින්ම දිනා සිටින  DSI ටයර්ස් ජාතික අපනයන මණ්ඩලය (NCE) සංවිධානය කළ අපනයන විශිෂ්ටතා 2022 සම්මාන උළෙලේදී මහා පරිමාණ කාණ්ඩයේ රබර් ටයර් සහ ආශ්‍රිත නිෂ්පාදන අංශයේ රිදී සම්මානයෙන් පිදුම් ලැබීය.

කොළඹ ෂැංග්‍රි ලා හෝටලයේදී උත්කර්ෂවත් ලෙස පැවැති සම්මාන උළෙලේදී DSI ටයර්ස් කළමනාකාර අධ්‍යක්ෂ කාවින්ද රාජපක්ෂ මහතා වෙත මෙම රිදී සම්මානය පිරිනැමිණි.

දශක තුනකට අධික ඉතිහාසයක් සහිත DSI ටයර්ස් සමාගමේ නිෂ්පාදන අතර බයිසිකල් ටයර්, මෝටර් සයිකල් ටයර්, ත්‍රීවීල් ටයර්, කර්මාන්ත ටයර්, රබර් ආශ්‍රිත නිෂ්පාදන සහ බයිසිකල් ප්‍රමුඛ ස්ථානයක් ගනි. 

DSI ටයර්ස් වර්තමානයේදී ISO 9001:2015, INMETRO Certification, SLS, Tanzania Bureau of Standards, E4 Marking iy BIS (Bureau of Indian Standards)  ඇතුළු තත්ත්ව සහතික රැසකින් පිදුම් ලබා ඇත. විදේශ විනිමය අර්බුදයත් සමඟ DSI ටයර්ස් දේශීය වෙළෙඳපොළට නිෂ්පාදන සැපයීම වේගවත් කරමින් අපනයන ඉලක්කද වර්ධනය කර ගනිමින් ව්‍යාපාර ජාලය පුළුල් කිරීමට පියවර ගත්තේය. 

DSI ටයර්ස්  නිෂ්පාදන සඳහා ඇති ජාත්‍යන්තර ඉල්ලුම වර්ධනය වීම සුවිශේෂත්වයකි. ජාත්‍යන්තර විශ්වාසය ඉහළින්ම තහවුරු කරමින් DSI ටයර්ස්  රටවල් 85කට අධික ප්‍රමාණයකට සිය නිෂ්පාදන  අපනයනය කරයි. ලොව ප්‍රමුඛතම අලෙවි ජාලයන් රැසක් ඔස්සේද සිය නිෂ්පාදන අලෙවි කරන DSI ටයර්ස් මීට පෙරද අපනයනය විශිෂ්ටතා සම්මාන සහ ජනාධිපති සම්මාන අඛණ්ඩව දිනා ඇත.

595