(විමුක්ති එස් රුද්‍රිගු)

මෙරට 2026 අයවැය ක්‍රියාවලියට ජනතාව සම්බන්ධ කර ගැනීම සඳහා "budget proposals hub" නමින් වේදිකාවක් හඳුන්වාදී තිබෙන බව වෙරිටේ රිසර්ච් ආයතනය අද (16) ප්‍රකාශ කළේය.

ශ්‍රී ලංකාවේ අයවැය ක්‍රියාවලියට රටේ ජනතාව හවුල්කරගැනීමට ඇති අවස්ථා අකාර්යක්ෂම මෙන්ම අනුගමනය කිරීමට අපහසුවීම හේතුවෙන් මෙම වේදිකාව හඳුන්වා දීමට තීරණය කළ බව වෙරිටේ රිසර්ච් ආයතනය පැවැසුවේය. සිංහල, දෙමළ සහ ඉංග්‍රීසි යන භාෂා ත්‍රිත්වයෙන්ම ලංකාවේ ක්‍රියාත්මක වන එකම වේදිකාව මෙය බවද වෙරිටේ රිසර්ච් ආයතනය ප්‍රකාශ කළේය.

පාර්ලිමේන්තුවේ අවධානයට යොමු කිරීම සඳහා මෙවර අයවැයට මෙම වේදිකාව ඔස්සේ යෝජනා ඉදිරිපත් කිරීමට ජනතාවට හැකියාව පවතින බව වෙරිටේ රිසර්ච ආයතනය පැවැසුවේය. මෙම වේදිකාවට පබ්ලික් ෆයිනෑන්ස් වෙබ් අඩවිය ඔස්සේ ජනතාවට ප්‍රවේශ විය හැකි බවද වෙරිටේ රිසර්ච් ආයතනය ප්‍රකාශ කළේය.