(බිමල් ශ්‍යාමන් ජයසිංහ)
 
කිලිනොච්චිය පොලිස් වසමේ අරයවිල් නගර් ප්‍රදේශයේදී පොලිස් අණ නොතකා ධාවනය වූ ජීප් රථයකට කිලිනොච්චි පොලිසියේ දූෂණ මර්දන ඒකකයේ නිලධාරීන් වෙඩි තබා ඇතැයිද, මේ හේතුවෙන් පුද්ගලයකු වෙඩි වැදී තුවාල ලබා ඇතැයිද පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පවසයි.
 
තුවාල ලබා ඇත්තේ සුරාබදු ඒකකයට තොරතුරු සපයන පුද්ගලයකු බව පොලිසිය කියයි.
 
ජීප් රථයකින් විශාල ගංජා තොගයක් රැගෙන යන බවට ලද තොරතුරකට අනුව සැකසහිත ජීප් රථය නැවැත්වීමට පොලිස් නිලධාරීන් උත්සහ කිරීමේදී එය නොනවත්වා ධාවනය කිරීම හේතුවෙන් වෙඩි තබා ඇතැයි පොලිසිය පවසයි.
 
එම ජීප් රථයේ සිට ඇත්තේ කැබිතිගොල්ලෑව සුරාබදු ඒකකයේ නිලධාරීන් බව පසුව අනාවරණය වූ බව ද මාධ්‍ය ප්‍රකාශකවරයා කියාසිටී.

(වීඩියෝ - රොමේෂ් මධුෂංක)