තරිඳු ජයවර්ධන
 
ත්‍රස්ත විමර්ශන අංශය භාරව සිටි නියෝජ්‍ය පොලිස්පති නාලක ද සිල්වා මහතාට එරෙහිව අපරාධ පරීක්ෂණ දෙපාර්තමේන්තුවට පැමිණිලි කළ නාමල් කුමාර නම් පුද්ගලයාගේ ජංගම දුරකතනය වැඩිදුර පරීක්ෂණ සඳහා හෙංකොං බලා රැගෙන ගිය බව පොලිසිය කියයි.
 
අපරාධ පරීක්ෂණ දෙපාර්තමේන්තුවේ දෙදෙනෙක් සහ රජයේ රස පරීක්ෂක දෙපාර්තමේන්තුවේ එක් නිලධාරියෙක් එම ජංගම දුරකතනය රැගෙන හොංකොං බලා පිටත්වූහ.
 
නාමල් කුමාර නම් පුද්ගලයා ලබා දුන් ජංගම දුරකතනයේ ඇතැම් හඬ පට ඔහු විසින් මකා දමනු ලැබූ බව මීට පෙර ඔහු රහස් පොලිසියට කියා තිබිණි. එම නිසා පරීක්ෂණ වලට එම හඬ පට ලබා ගැනීමේ අරමුණින් ඒවා යළි ප්‍රතිෂ්ඨාපනය කිරීමට දුරකතනය රැගෙන ගිය බව පොලිසිය කියයි.