(ඩී.ජී.සුගතපාල)

රත්ගම ද්විත්ව ඝාතන නඩුවේ   සැකකාර පොලිස් නිලධාරින් පහළොස් දෙනා සහ වන සංරක්ෂණ දෙපාර්තමේන්තුවේ නිලධාරින් දෙදෙනා ඇතුලු සැකකරුවන් දාහත් දෙනා ඉදිරිපත් කර තිබු ඇප අයදුම් පත් සළකා බැලු දකුණු පළාත් බද ගාල්ල මහාධිකරණ විනිසුරු ඩබ්ලිව් .පි.එස්. නිස්සංක මහතා අද (30)එක් අයෙකුට රුපියල් ලක්ෂයක මුදල් ඇපයක් සහ රුපියල් ලක්ෂ දහය බැගින් වු ශරීර ඇප දෙකක් ඇතුලු දැඩි ඇප කොන්දේසි නියම කළේය.
 
සැම මසකම අවසන් ඉරුදින පෙරවරුවේ කොළඹ අපරාධ පරික්ෂණ දෙපාර්තමේන්තුවේ මිනි මැරුම් අංශයේ වාර්තා කරන ලෙසටත් සෑම නඩු වාරයකදිම එක් ඇපකරුවෙකු අධිකරණයේ පෙනි සිටින ලෙසටත් නියමකල මහාධිකරණ විනිසුරුවරයා සැකකාර පොලිස් නිලධාරින් නැවත සේවයෙහි පිහිටුවන්නේ නම් රත්ගම ,අක්මිමණ සහ වලස්මුල්ල යන පොලිස් ස්ථානවලට පත් නොකලයුතු බවටත් නියම කොට  සැකකරුවන්ගේ විදෙස් ගමන්ද තහනම් කලේය.
 
මෙසේ ඇප නියම කරනු ලැබුවේ දකුණු පළාත් විශේෂ අපරාධ විමර්ශණ ඒකකයේ හිටපු ස්ථානාධිපති  පොලිස් පරික්ෂක කපිල නිශාන්ත සිල්වා,උප පොලිස් පරික්ෂක එච්.ජී.විරාජ් මධුසංක, කොස්තාපල් එච්.ජී. සංජය චානක වන සංරක්ෂණ දෙපාර්තමේන්තුවේ වලස්මුල්ල කණුමල්දෙණිය රක්ෂිතයේ බිට්ටු නිලධාරි කංකානම්ගේ මාෂල් තුෂාර නලින්ද දකුණු පළාත් විශේෂ අපරාධ විමර්ශණ ඒකකයේ ස්ථානාධිපති ප්‍රධාන පොලිස් පරික්ෂක ඊ.ඒ.සමන් රෝහණ,  උප පොලිස් පරික්ෂක විදානගේ තිලකරත්න, කොස්තාපල් කොස්තාපල් උපුල් රංජිත් ,උප පොලිස් පරික්ෂක ඩබ්ලිව් .ආර්.විමලසිරි, උප පොලිස් පරික්ෂක ජී.කේ.විමලරත්න,සැරයන් පී.එච්.චමින්ද සැරයන් එස්.ජී.ප්‍රේමලාල්,කොස්තාපල් වයි.පි.විදානගම ,කොස්තාපල් බී.ඒ.ආර්.අසංක,පොලිස් රියදුරු එච්.එම්.එස්.ජයරත්න ,වලස්මුල්ල අඩවි වන නිලධාරි ආර්.එස්.සුවාරිස්,කොස්තාපල් අනිල් කුමාර,කොස්තාපල් රාගමුණිගේ විජිත කුමාර යන සැකකරුවන්  දාහත් දෙනාට වෙති.

රත්ගම බූස්ස රත්නඋදාගම පදිංචිව සිටි ගොනාපිනුවලගේ  අසේල මංජුල කුමාර සහ කොස්ම රසික් චින්තක නමැති දෙදෙනා පසුගිය වසරේ ජනවාරි 23වනදින  පැහැරගෙන ගොස් ඝාතනය කොට පුළුස්සා දැමිම සම්බන්ධයෙන් අපරාධ පරික්ෂණ දෙපාර්තමේන්තුව විසින් මෙම සැකකරුවන් අත් අඩංගුවට ගෙන අධිකරණයට ඉදිරිපත් කිරිමෙන් පසු වසරකට අධික කාලයක් රිමාන්ඩ් බන්ධනාගාර ගතකර තිබින.