සිය නවතම ආයෝජන සැලසුම් තුළින්, මේ දක්වා ශ්රී ලංකාවේ කර ඇති ආයෝජන ඇමරිකානු ඩොලර් බිලියන 2 ඉක්මවන බව, ශ්රී ලංකාවේ සංචාරයක නිරතව සිටි චයිනා මර්චන්ට් සමූහයේ සභාපතිවරයා පවසයි. ශ්රී ලංකා වරාය අධිකාරියේ සහ හම්බන්තොට ජාත්යන්තර සමූහයේ ව්යාපාර හවුල්කරුවකු වන CMPort සමාගමේ මව් සමාගම වන චයිනා මර්චන්ට් සමූහය, චීනයේ විශාලතම විවිධාංගීකරණය වූ සමූහ ව්යාපාරයයි.
පළමු වරට දිවයිනේ සංචාරයක යෙදුනු CMG සභාපති මියාඕ ජියැන්මින් මහතා හම්බන්තොට ජාත්යන්තර වරායේ ව්යාපෘති 15ක් සඳහා අත්සන් තැබීමේ සහ පීත්ත පටි කැපීමේ උත්සවයකට සහභාගී විය. 2008 වසරේ ශ්රී ලංකා වෙළඳපොළට පිවිසි චයිනා මර්චන්ට් සමූහය 2023 වසර ආරම්භය වන විට ඇමෙරිකානු ඩොලර් බිලියන 1.68ක ආයෝජන රැස්කර ගෙන ඇත. ඇමෙරිකානු ඩොලර් මිලියන 400ක ආයෝජනයක් සහිතව කොළඹ නවීන සැපයුම් මධ්යස්ථානයක් ඉදිකිරීම වෙනුවෙන් CMG සමූහය ශ්රී ලංකා රජය සමඟ ඇති කර ගත් ගිවිසුමකට ද සභාපතිවරයා අත්සන් තැබීය. මෙම නව ගිවිසුමත් සමඟ CMG විසින් ශ්රී ලංකාවේ කර ඇති ආයෝජන සංචිතය ඇමරිකානු ඩොලර් බිලියන 2 ක ඉක්මවන අතර, එය දිවයිනේ විශාලතම විදේශ ආයෝජන ව්යවසාය බවට පත් වනු ඇත.
හම්බන්තොට වරාය ශ්රී ලංකාවේ සහ ඉන්දියන් සාගරයේ බලවත් මෙන්ම දීප්තිමත් සන්ධිසථානයක් බවට පත් කරමින්, මෙම සාරවත් භූමියේ, අපූර්ව පරිච්ඡේදයක් සටහන් කිරීම ඔවුන්ගේ අධිෂ්ඨානය බව CMG සභාපතිවරයා පැවසීය.
හම්බන්තොට සමුද්රීය මධ්යස්ථානයේ 12 වැනි මහලේ පැවති උත්සවයේ දී අවබෝධතා ගිවිසුම්, වාණිජ ගිවිසුම්, කාර්යාල බදු සහ ඉඩම් බදු ගිවිසුම් අත්සන් කෙරිණි. තිරුබදු රහිත වෙළෙඳසැල් වන භාතිය වෙළෙඳ සමාගම, සහ යුනයිටඩ් ලයිෆ් සමාගම, කොස්කෝ ෂිපින්ග් ලයින්ස් ලංකා, ෂිප්ලෝඩ් මරිටයිම්, HXZAලංකා ඉන්ටර්නැෂනල්, ලූ ෆෝචූන් ඉන්වෙස්මන්ට්, චයිනා ස්ටේස් කන්ස්ට්රක්ශන් ඉන්ජිනියරින් කෝපරේෂන්, සයිනොපෙක් ඉන්ධන ලංකා සමාගම සහ ඉන්ච්කේප් මැකිනොන් මකෙන්සි යන සමාගම් එම අවස්ථාවට සහභාගී විය.
හම්බන්තොට වරායේ සංවර්ධනය පිළිබඳව පූර්ණ විශ්වාසය පළ කළ මියාඕ ජියැන්මින් මහතා, CMG විසින් ශ්රී ලංකාවේ ආයෝජන ඉහළ නැංවීමට මෙන්ම සියලු දෙනා සමඟ පුළුල් සහයෝගීතාවයෙන් ක්රියා අඛණ්ඩව කටයුතු කරන බව සඳහන් කළේය. වරාය සහ කර්මාන්ත උද්යාන කළමනාකරණය පිළිබඳ පොහොසත් අත්දැකීම් සහ උසස් තාක්ෂණය චයිනා මර්චන්ට් සමූහය මෙරටට ගෙන එයි. හම්බන්තොට වරාය, දිවයිනේ මෙන්ම ඉන්දියන් සාගර කලාපයේ වැදගත් සැපයුම් මධ්යස්ථානයක් සහ කර්මාන්ත කලාපයක් බවට පත් කිරීමට සියලු සැලසුම් CMG සමූහය විසින් සකසනු ඇත.
CMG සමූහයේ උප සභාපතිවරුන් වන ඩෙන් රෙන්ජි සහ ෆන්ග් බෝමින්, CMG හි අනුබද්ධිත, HIPG හි ගෝලීය සහකරු වන, CMPort සමාගමේ ප්රධාන විධායක නිලධාරී වැන්ග් ෂී ෆැන්ග්, HIPG හි ප්රධාන විධායක නිලධාරී ජොන්සන් ලියු සහ HIPS හි ප්රධාන විධායක නිලධාරී රවී ජයවික්රම යන මහත්වරුද උත්සවයට සහභාගී වූහ.
595
අතවර සිද්ධියකින් පසු කොටහේනේ පහළොස් හැවිරිදි දැරියක මහල් නිවාසයකින් බිමට පැන සියදිවි හානි කර ගැනීමේ සිද්ධිය සම්බන්ධ සංවාදයක් අතරතුරදී ඇතිවූ ගාලගෝට
ජනාධිපති කාර්යාලයේ සුඛෝපභෝගී වාහන සහ භාවිතයෙන් ඉවත් කර ඇති වාහන 27ක් විකිණීම සඳහා දෙවැනි අදියර යටතේ මිල ගණන් කැඳවා ඇත.
මැයි මස 12,13 සහ 14 යන දිනයන්හි දිවයින පුරා ඇති මස් පිණිස සතුන් ඝාතනය කරන ස්ථාන හා මස් මාංශ අලෙවි සැල් වසා තැබීමටත්, සුපිරි වෙළදසැල් වල මස් මාංශ අලෙවි කිරීම න
ආණ්ඩුවේ නොහැකියාව නිසා අද වන වන විට පාරිභෝගිකයා මෙන්ම නිෂ්පාදකයා යන දෙදෙනාම බැටකන තත්ත්වයට පත්වී තිබෙන බව අනුරාධපුර දිස්ත්රික් මන්ත්රී රෝහණ බණ්ඩා
විපක්ෂයට ජාතික ජන බලවේගයේ සටන් පාඨ අරගෙන ඉදිරියට යාමට සිදුවීම රටේ ජයග්රහණයක් බව කොළඹ දිස්ත්රික් මන්ත්රී සුසන්ත දොඩාවත්ත මහතා:-(ජා.ජ.බ) පාර්ලිමේන්තු
ශ්රී ලංකා පාර්ලිමේන්තුව නියෝජනය කරන මහජන නියෝජිතයින් සහ හිටපු රාජ්ය නායකයින් සහ ඔවුන්ගේ වැන්දඹුවන් භුක්ති විඳින වරප්රසාද සුදුසු ලෙස කප්පාදු කිර
රටක් දියුණු වීමට නම්, ජනතාව තුළ නිවැරදි මුල්ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක්ර
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්ය ප
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 බ්ලූ ප්ලැනට් ත්යාගලාභී මොහාන් මුණසිංහ මහතා, 2025 අප්රේල් 13-14 දිනවල ඩුබායි හි පැවති ගෝලීය නොබෙල් ස
චයිනා මර්චන්ට්ස් සමූහයේ ලංකාවේ ආයෝජන ඩොලර් බිලියන 2 ඉක්මවයි