IMG-LOGO

2025 ජුලි මස 19 වන සෙනසුරාදා


‘ගෙදරට කොටුවූ දරුවන්ට මානසික ගැටළු’

(සුජිත් හේවාජුලිගේ )

කොවිඩ්  වසංගතය හේතුවෙන් පාසල් වසා දැමීම නිසා ගෙදරට කොටුවූ දරුවන්  අතුරින්  දහස් සංඛ්‍යාත පිරිසක් විවිධ මානසික ගැටළුවලට මුහුණදී සිටින බවට තොරතුරු වාර්තාවී ඇතැයි  කොළඹ රිජ්වේ ආර්යා ළමා රෝහලේ ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා ලංකාදීපයට පැවැසීය.

මෙවැනි  මානසික ගැටලුවලට ලක්වූ දරුවන් කිහිප දෙනකු  ළමා රෝහලේ ප්‍රතිකාර ලබන බවද  හෙතෙම සඳහන් කළේය.

ගෙදරට  අසීමිත කාලයක් කොටුවීම නිසා සමාජ ආශ්‍රය නැතිවීම සහ උපකරණවල දුරකථන වැනි තාක්ෂණික උපකරණවලට අධික ලෙස ඇබ්බැහිවීම නිසා ඔවුනට   මෙම මානසික ගැටලු  ඇතිවන්නට ඇතැයි විශ්වාස කෙරෙන බව පැවසූ විශේෂඥ වෛද්‍යවරයා  මෙවැනි මානසික  ගැටළුවලට  ලක්වූ ඇතැම්  දරුවන්   මවුපියන් නුරුස්සන සහ  ප්‍රචණ්ඩකාරී ගති ලක්ෂණ පෙන්නුම් කරන බවද පැවසුවේය.

මානසික ගැටළුවලින්   පෙළෙන  සමහර  දරුවන්  පාසලට යෑමට බියකින් පසුවන බවත් අධික ලෙස ජංගම දුරකථන වලට ඇබ්බැහිවූ  තවත් ඇතැම් දරුවන් එම  උපකරණ පාවිච්චි කරන අතරේම මළ මුත්‍රා පවා කරගන්නා තත්වයක් දක්නට ඇති බවත්  විශේෂඥ වෛද්‍ය දීපාල් පෙරේරා මහතා ප්‍රකාශ කළේ‍ය.

දරුවන් මුහුණ දී ඇති මේ ප්‍රශ්නය ගැන රජයක් සහ සමාජයක් හැටියට   විශේෂ අවධානය යොමු කළ යුතු බවද ඔහු  සඳහන් කළේය.

මෙවැනි ගැටලුවලට ලක්වූ දරුවන් සිටී නම් වහාම ළඟම ඇති රෝහලට හෝ  ළමා රෝග පිළිබඳ විශේෂඥ වෛද්‍යවරයකුට හෝ යොමු කරන ලෙස  හෙතෙම  මවුපියන්ගෙන් ඉල්ලීමක් කරයි.



අදහස් (1)

‘ගෙදරට කොටුවූ දරුවන්ට මානසික ගැටළු’

ජගත් Sunday, 28 November 2021 02:24 PM

ළමයින් පමණක් නොවේ. වැඩිහිටියන් පවා මානසික රෝගවලින් පෙළෙනවා කියලයි හිතන්නේ මේ වසංගතය නිසා...

:       1       24

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site