(අංජුල මහික වීරරත්න)

ශ්‍රී ලංකාව ප්‍රගතිය සහ සෞභාග්‍යය කරා ගෙන යාමට ජනාධිපති රනිල් වික්‍රමසිංහ මහතාට ඇති හැකියාව පිළිබඳ ඊජිප්තු රජය විශ්වාසයෙන් පසුවන බව ඊජිප්තු අරාබි ජනරජයේ ජනාධිපති අබ්දෙල් ෆටා අල් සිසි මහතා සුබ පැතුම් පණිවිඩයක් නිකුත් කරමින් සඳහන් කරයි.

ජනාධිපති ධුරයට පත් රනිල්  වික්‍රමසිංහ මහතාට හෘදයාංගම සුබ පැතුම් පිරිනමා ඇති අබ්දෙල් ෆටා  මහතා ශ්‍රී ලාංකික ජනතාවගේ බලාපොරොත්තු සහ අපේක්ෂාවන් ඉටු කිරීමට වික්‍රමසිංහ මහතා ගන්නා සෑම වැයමක් ම සාර්ථක වේවායි ප්‍රාර්ථනා කරන බවද සඳහන් කරයි.

දෙරටේ පොදු අවශ්‍යතා ඉදිරියට ගෙන යාමට හා වඩාත්  සමෘද්ධිමත් අනාගතයක් සහතික කිරීම සඳහා රටවල් දෙක අතර ද්විපාර්ශවික සබඳතා තවදුරටත් ශක්තිමත් කිරීමට තමා උනන්දුවෙන් පසුවන බවද ඊජිප්තු ජනාධිපතිවරයා පවසයි.