(ඩයනා උදයංගනී)
ගහලා පැන්නුවත් ශ්රී ලංකා නිදහස් පක්ෂය හැර යන්නේ නැතැයි එහි හිටපු ජ්යෙෂ්ඨ උප සභාපති, අමාත්ය නිමල් සිරිපාල ද සිල්වා මහතා පැවසීය.
තමන් මෙන්ම ශ්රී ලංකා නිදහස් පක්ෂය නියෝජනය කරමින් රජයට සහය දක්වන කණ්ඩායම නියෝජනය කරන නවදෙනාම ශ්රී ලංකා නිදහස් පක්ෂය හැර නොයන බවද ඇමතිවරයා සඳහන් කළේය.
තම කණ්ඩායම පක්ෂ අභ්යන්තර ප්රජාතන්ත්රවාදය හා පාක්ෂිකයා ආරක්ෂා කිරීමට සටනක් ගෙන යන බවත්, මෙම දේශපාලන භූමිකාව ගෙනයන්නේ ශ්රී ලංකා නිදහස් පක්ෂ කණ්ඩායමක් ලෙස බවත් හෙතෙම සඳහන් කළේය.
නිමල් සිරිපාල ද සිල්වා මහතා මේ බව පැවසුවේ කෘෂිකර්ම අමාත්යාංශයෙදී අද (24) පැවති මාධ්ය හමුවක් අමතමිනි.
ශ්රී ලංකා නිදහස් පක්ෂය යනු ගොඩනැගිල්ල, බෝඩ්ලෑල්ල හෝ අවස්ථාවාදීන් කිහිපදෙනකු නොවන බවද නිමල් සිරිපාල මහතා පැවසීය.
සර්වපාක්ෂික රජයක් පිහිටුවීම හා රජයට සහයදීම සම්බන්ධයෙන් වත්මන් ජනාධිපතිවරයා වෙත පළමුව යෝජනාවක් ගෙන ආවේ ශ්රී ලංකා නිදහස් පක්ෂ සභාපති මෛත්රීපාල සිරිසේන මහතා බවත් ඔහු අමාත්යධූර සම්බන්ධයෙන් සාකච්ඡා කිරීමට පක්ෂ නියෝජිතයන් කන්ඩායමකට අවස්ථාව දෙන්නැයි ඉල්ලා ඉකුත් මැයි මස 15 වැනිදා ජනාධිපතිවරයාට ලිපියක්ද යොමු කළ බවත් ඇමතිවරයා කීය.
ඊර්ෂ්යාව, කුහකකම හා හීනමානය පදනම් කරගෙන තවදුරටත් දේශපාලනය කළ නොහැකි බව කී ඇමතිවරයා මේ අවස්ථාවේ රට ගොඩනැගීමට සියලුදෙනා ඒකරාශී විය යුතු බවද පැවසීය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
‘‘ගහල පැන්නුවත් යන්නේ නෑ‘‘
ranjith Thursday, 24 November 2022 09:36 PM
ඔහොම ඉන්න ඊළඟ මැතිවරණයෙන් ඡන්ද බලයෙන් පන්නලා දානකම්.
Bamunuarachchi Friday, 25 November 2022 06:56 AM
ගහල පැන්නුවත් යන්නේ නැති අයට ගෙවලයෝ කියලා.
Nelum Pushpasiri Friday, 25 November 2022 09:44 AM
රරටටත් එක්ක නින්දා කළ දේශපාලනය.
Dasu Friday, 25 November 2022 11:04 AM
ගෙදරවත් මේ වගේ සැපට නිදාගන්න තැනක් නෑ