ෆින්ලන්ත පාසලක වෙඩි තැබීමක්

ෆින්ලන්තයේ පාසලක සිදුවුණු වෙඩි තැබීමකින් අවුරුදු 12 ක් වයසැති කුඩා දරුවෝ තිදෙනෙක් තුවාල ලැබූහ.

වෙඩි තැබීම සිදුවූයේ ෆින්ලන්තයේ වන්ටා නගරයේ පාසලකය. වෙඩි තැබීම කළේ ද 12 හැවිරිදි දරුවකු බව පැවැසෙයි. වෙඩි තැබීමෙන් පසු එම දරුවා පාසලෙන් පලා ගොස් ඇති අතර, පොලිස් නිලධාරීන් ඔහු අල්ලා ගත්තේ පාසලට නුදුරින් ගංගාවක් අසලිනි.

තුවාල ලැබූ දරුවන් කඩිනමින් රෝහල් ගත කෙරුණු බව පැවැසෙයි. වෙඩි තැබීමත් සමඟ පාසලේ මහා කලබලයක් හටගත් බවත් සිද්ධිය සැලවීමෙන් කම්පනයට පත් දරුවන්ගේ මාපියන් පාසලට එක්රොක් වූ බවත් ෆින්ලන්ත මාධ්‍ය වාර්තා කර තිබේ.

වෙඩි තැබීම සිදුවූයේ වියෙර්ටෝලා පාසලේය. වෙඩි තැබීම සිදුවෙද්දී පාසලේ සිසුන් 800 දෙනකු සහ ගුරුවරුන් ඇතුළු කාර්ය මණ්ඩල සාමාජිකයන් 90 දෙනකු සිටි බව ද පැවැසෙයි.

ලොව හොඳම අධ්‍යාපන ක්‍රමවේදයක් සහිත රටවලින් ඉදිරියෙන්ම පසුවන්නේ යුරෝපා රාජ්‍යයක් වන ෆින්ලන්තයයි. 2007 සහ 2008 යන වසරවලදී ෆින්ලන්ත පාසල්වල වෙඩි තැබීම් සිදුවිය. ෆින්ලන්තය ගිනි අවි සම්බන්ධයෙන් දැඩි නීතිරීති හඳුන්වා දුන්නේ එම වෙඩි තැබීම්වලින් පසුවය.

(ඒ.එෆ්.පී.)

අදහස් (8)

ෆින්ලන්ත පාසලක වෙඩි තැබීමක්

මිල්ටන් Tuesday, 02 April 2024 03:52 PM

ඉතිං ඔය හොඳම අධ්‍යාපන ක්‍රමේ රෝල් කරලා ගහගන්න දෙන්නකෝ එයාලගේ... එක්කෝ ඕන නෑ.

: 0 1

NIHAL DHARMATILEKE Tuesday, 02 April 2024 03:56 PM

ලෝකේ සතුටින්ම ඉන්න රට ෆින්ලන්තය කියලා කියනවා. නමුත් අවුරුදු දොළහේ ළමයි වෙඩි තියනවා නම් ආරක්ෂාව කොහේද?

: 4 27

sumathi kannangara Tuesday, 02 April 2024 04:42 PM

ලොව ප්‍රීතිමත්ම ජනතාව ජීවත්වෙන රටලූ.

: 5 22

නිලන්ත Tuesday, 02 April 2024 06:33 PM

හරිනේ වෙඩිතැබූ කොලුවා වෙඩිතබා උපරිමයෙන් ප්‍රීතිමත්ව සතුටත් ලබන්න ඇති...

: 0 0

gunda Tuesday, 02 April 2024 07:15 PM

ඉස්කෝලෙ යන ළමයිනුත් වෙඩිතබාගන්නවා නම් එම රටේ මොන ප්‍රීතිමත් භාවයක්ද තියෙන්නේ...?

: 0 0

විමල් Tuesday, 02 April 2024 09:19 PM

"පින්ලන්තයට එහෙම නම් අපට මෙහෙම වුනේ ඇයි?" යන වැඩි ඈතක නොවන 2024.03. 22 වැනි සිකුරාදා ලංකාදීප කතු වැකිය පදනම් වූ, සටහන සමඟ සහසම්බන්ධ කරගෙනම යමක් ලියන්නට සිතුවෙමි. සංඛ්‍යා ලේඛන දත්ත එහෙම් පිටින්ම ගෙන සමස්ථ අරුත ගෙනහැර දැක්වීමේදී ඇති නිවැරැදි භාවයේ අපගමනය මෙවැනි සිදුවීම් හරහා මොනවට පෙන්නුම් කරන බවයි. කොතරම් සතුටින් සිටින රටේ වුණත්, අසතුටින් ඉන්න අය ඉන්න හැකියි. ඒ වගේම ලංකාව වැනි බොහෝ අසතුටින් සිටින රටක වුණත් සතුටින් ඉන්න අය සිටිය හැකි බවයි. සංස්කෘතික ගති ලක්‍ෂණ අනුව ගත් කළ, සතුටුවීම යන්න අනුන්ට හිංසා පීඩා කර ලැබීමක් ලෙස වරදවා භාවිතා කරනවා වෙන්නත් හැකියි. ෆින්ලන්තය ලෝකයේ 8වැනි වගේ තැනක් තමයි, සිවිල් පුරවැසියන්ට ඇති අවි ගණන බැලූවිට, එය 32ක් පමණ වැසියන් 100 කට. වැඩිම රට වන ඇමරිකාවේ එය 120ක්. තවද ෆින්ලන්තයේ ජනතාවගෙන් 31% පමණ ඉහළ අගයක් නිරාගමිකයි (non- religion). මේ වාගේ සමාජීය කරුණුවලින් සෘජු සම්බන්ධයක් තිබෙන්නත් හැකියි... නොතිබෙන්නත් හැකියි. ස්තුතියි...!

: 0 0

Lasantha Wednesday, 03 April 2024 08:22 AM

ලොව සතුටින් මිනිසුන් සිටිනා රටේ මිනිසුන් ගැන සතුට මේක වෙන්න ඇති

: 0 2

Nihal Wednesday, 03 April 2024 09:01 AM

ලෝකේ වැඩියෙන්ම සියදිවි හානිකරගන්න රටත් ඔකමයි,පසුගිය කාලයක නෝර්වේ දී ලමයි 65 ක් වෙඩි තියලා මැරුවා මතකයි, බටහිර වර්ණ භේදය ඉහවහ නිසා උඹලා මේහේ එන්න එපා කියන්නේ ඒකයි

: 0 3

ඔබේ අදහස් එවන්න

දියත

වාසි බලාගෙන පුංචි ආණ්ඩු හදන්න එකතු වෙන්නේ නෑ

2025 මැයි මස 10 324 0

විවිධ තනතුරුවලට වරදානවලට යටවී පළාත් පාලන ආයතනවල බලය පිහිටුවීම සඳහා උදව් කිරීමට කිසිසේත්ම සූදානම් නැති බව සර්ව ජන බලය පක්ෂයේ උප සභාපති මහාචාර්ය චන්න ජ

වැවට වැටුණු හෙළිකොප්ටරයේ ඉන්ධන ඉවත් කරන්න සැරසේ

2025 මැයි මස 10 428 0

මාදුරුඔය ජලාශයට කඩා වැටුනු හෙලිකොප්ටරයේ ඉන්ධන වැව පුරා විසිරිම වැළැක්වීම සදහා වෙරළ සංරක්ෂණ දෙපාර්මේන්තුව විසින් විශේෂ වැඩ පිළිවෙළක් ආරම්භ කර තිබේ.

ඩෙංගු -චිකුන්ගුන්යා මඩින්න සෞඛ්‍ය බලධරයෝ රැස් වෙති

2025 මැයි මස 10 64 0

ඩෙංගු සහ චිකුන්ගුන්යා රෝගීන් වාර්තා වීම වැඩිවීමේ අවදානම පිළිබඳව කරුණු සොයා බැලීම සදහා සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ කැඳවී

ජනපති කාර්යාලයේදී වෙසක් බැති ගී දින හතරක්

2025 මැයි මස 10 101 0

කොළඹ හුණුපිටිය ගංගාරාම විහාරස්ථානය, ජනාධිපති ලේකම් කාර්යාලය සහ අග්‍රාමාත්‍ය කාර්යාලය එක්ව සංවිධානය කරන “බුද්ධ රශ්මි”වෙසක් කලාපයට සමගාමීව පැවැත්වෙ

ආපදා ණය ඉහළට: චක්‍රලේඛය පිටවේ

2025 මැයි මස 10 474 2

රාජ්‍ය සේවකයින් සඳහා ආපදා ණය ලබාදීම සම්බන්ධයෙන් නව විධිවිධාන ඇතුළත් නව චක්‍රලේඛයක් රාජ්‍ය පරිපාලන පළාත් සභා හා පළාත් පාලන අමාත්‍යාංශය විසින් නිකුත්

පුංචි ඡන්දෙන් ජනතාව ආණ්ඩුවට සංඥාවක් දුන්නා

2025 මැයි මස 10 1799 6

පළාත් පාලන මැතිවරණයේදී ජනතාව ආණ්ඩුවට දුන් සංඥාව හොඳින් තේරුම් ගන්නා බව අධිකරණ හා බන්ධනාගාර කටයුතු අමාත්‍ය නීතිඥ හර්ෂණ නානායක්කාර මහතා පැවසීය.