( හිරාන් ප්‍රියංකර ජයසිංහ )

පුත්තලම කරඹ ප්‍රදේශයෙ සිදුවු රිය අනතුරකින් යුද හමුදා විශේෂ බළකායෙ හිටපු මාණ්ඩලික නිළධාරියකු යතුරු පැදියකින් ගමන් කරමින් සිටියදී ලොරි රථයක ගැටි මරණයට පත්ව ඇති බව පුත්තලම මුලස්ථාන පොලිසිය කියයි.

 මෙලෙස මරණයට පත්ව ඇත්තේ පුත්තලම පොත්තුවිල්ලුව පදිංචි 45 හැවිරිදි දෙදරු පියකු වු යුද හමුදා විශේෂ බළකායෙ මාණ්ඩලික නිළධාරීවරයකු ලෙස යුද ක්‍රියාන්විතයෙ දක්ෂ නිළධාරීයකු ලෙස සේවය කර විශ්‍රාම ගොස් සිටි විජේසේකර ආරච්චිගේ සංජීව අනුර මංගල කුමාර නැමති අයකු බව කියයි.

මෙම හිටපු විශේෂ බළකා මාණ්ඩලික නිළධාරීයා නොරෝච්චෝල ප්‍රදේශයෙ ඔහුගේ හිතවතකුගේ මළ ගෙදරකට යතුරු පැදියෙන් ගොස් ආපසු නිවස බලා පුත්තලම දෙසට එමින් සිටියදි මෙම අනතුර සිදුවි එම ස්ථානයෙම මරණයට පත්ව සිටි බව පොලිසිය කියයි.

අනතුරීන් මරණයට පත්වු විශේෂ බළකා නිළධාරීයා එස්.එෆ්.මංගල නමින් යුද බිමේ සේම සාමන්‍ය ජනතාව අතර ජනප්‍රිය චරිතයක් විය.