(ළහිරු හර්ෂණ )

ආචාර්ය ඩබ්ලිව් ඒ අබේසිංහයන් ජීවිත කාලය පුරා සාහිත්‍යය විෂයෙහි කළ සුවිශාල මෙහෙවර සැලකිල්ලට ගනිමින් කොළඹ සහෘද මිත්‍ර සංසදය ඒ මහතා වෙනුවෙන් සංවිධානය කළ සාහිත්‍ය සේවා අභිනන්දන උළෙල  කොළඹ 7 නිදහස් මාවතේ ජාතික පුස්තකාල හා ප්‍රලේඛන සේවා මණ්ඩල ශ්‍රවණාගාරයේ දී පැවැත්විණි.

එම අවස්ථාවේ මුලසුන රඹුකන සිද්ධාර්ථ හිමියන් විසින් ඉසුලූ අතර අගලකඩ සිරිසුමන හිමියන්, පාතේගම ඤාණිස්සර හිමියන් ඇතුළු සංඝරත්නයද එක්ව සිටි අතර එහි මුඛ්‍ය දේශනය කොළඹ විශ්වවිද්‍යාලයේ සිංහල අධ්‍යයන අංශයේ අංශාධිපති ජ්‍යෙෂ්ඨ මහාචාර්ය සඳගෝමි කෝපරහේවා මහතා විසින් සිදු කරනු ලැබීය.

එහිදී ආචාර්ය ඩබ්ලිව් ඒ අබේසිංහ යන් රචිත 304 වන කෘතිය වන "මායිමක් නැති අපේ ලෝකෙට" කෘතියේ මුල් පිටපතක් රඹුකන සිද්ධාර්ථ හිමියන් ඇතුළු සංඝරත්නයට පිළිගැන්වීය.