(ගයාන් සූරිය ආරච්චි)

බීමතින් ජංගම සංචාර රාජකාරියේ යෙදුණු බව කියන පොලිස් සැරයන්වරයෙකු ඊයේ (1) අත්අඩංගුවට ගත් බව අගුලාන පොලිසිය පවසයි.

මෙසේ අත්අඩංගුවට ගෙන ඇත්තේ අගුලාන පොලිසියට අනුයුක්තව රාජකාරි කළ 51 හැවිරිදි පොලිස් සැරයන් වරයෙකි.

මෙම නිලධාරියා තවත් නිලධාරින් දෙදෙනකුු බාරව පොලිස් තිරෝද  රථය සමග රාත්‍රී ජංගම සංචාරය රාජකාරිය සඳහා ඊයේ (1) රාත්‍රියේ යොදවා ඇත.

අනතුරුව එම තිරෝද  රථය පොලිස් ස්ථානය ඉදිරිපිට නවතා තිබියදී අගුලාන පොලිසියේ ස්ථානාධිපතිවරයාට නිරීක්‍ෂණය වීමෙන්පසු  ස්ථානාධිපතිවරයා තිරෝද  රථය පරීක්ෂා කිරීමේදී  සැකකාර සරයන්වරයා බීමතින් තිරෝද රථය තුළ වැතිරී සිට ඇති අතර ඔහුගේ නිල ඇඳුමේ සාක්කුවේ ඉතිරි වූ මත්පැන් සමග කාලේ බෝතලයක් තිබී හමුවී ඇති බව පොලිසිය පවසයි.

ඒ අනුව නිලධාරීන් තිදෙනාම ලුණාව රෝහලේ වෛද්‍යවරයා වෙත ඉදිරිපත් කිරීමෙන් අනතුරුව පොලිස්  සරයන්වරයා බීමතින් සිට ඇති බවට වාර්තා වී ඇත.

ඒ අනුව බීමතින් රාජකාරී කිරීම සම්බන්ධයෙන් පොලිස් සැරයන්වරයා අත්අඩංගුවට ගනු ලැබීය.

අගුලාන පොලිසිය වැඩිදුර විමර්ශන සිදු කරයි.