සමෘද්ධි නිලධාරී ගැටලු විසඳන්න ජනපති ලේකම් මැදිහත් වෙයි

(අංජුල මහික වීරරත්න)

සමෘද්ධි නිලධාරීන් මුහුණපා සිටින ගැටලු හඳුනාගෙන ඒවා කඩිනමින් විසඳන ලෙස ජනාධිපති ලේකම් සමන් ඒකනායක මහතා නිලධාරීන්ට උපදෙස් දුන්නේය.

සමෘද්ධි සංවර්ධන නිලධාරින්ගේ ගැටලු සහ ඊට ලබාදිය හැකි විසඳුම් පිළිබඳ සොයා බැලීමේ සාකච්ඡාවක් ජනාධිපති කාර්යාලයේ දී අද(2) පැවැත්වුණු අතර එහිදී ජනාධිපති ලේකම් සමන් ඒකනායක මහතා මෙම උපදෙස් දුන්නේය.

සමෘද්ධි සංවර්ධන නිලධාරින්ගේ වැටුප, විශ්‍රාම වැටුප, උසස්වීම් පටිපාටිය සහ ස්ථීර පත්වීම් ලබාදීම ඇතුළු ඔවුන් මුහුණ දී සිටින ගැටලු පිළිබඳ මෙහිදී දීර්ඝ ලෙස සාකච්ඡා කෙරුණු අතර ඊට අදාළ යෝජනා රැසක් ද ඉදිරිපත් කෙරිණු බව ජනාධිපති කාර්යාලය පවසයි.

සමාජ සවිබල ගැන්වීම් රාජ්‍ය අමාත්‍ය අනුප පැස්කුවල්, පාර්ලිමේන්තු මන්ත්‍රී ජගත් කුමාර මහත්වරු ඇතුළු සමාජ සවිබල ගැන්වීම් අමාත්‍යාංශය, සමෘද්ධි දෙපාර්තමේන්තුව ඇතුළු රේඛීය ආයතනවල ජ්‍යෙෂ්ඨ නිලධාරීහු පිරිසක් මෙම සාකච්ඡාවට එක්ව සිටියහ.

අදහස් (4)

සමෘද්ධි නිලධාරී ගැටලු විසඳන්න ජනපති ලේකම් මැදිහත් වෙයි

sampath Wednesday, 02 November 2022 10:20 PM

සමුර්ධිය සහනාධාර බෙදන එක හැමෝටම බරක් .මේක අත්‍යවශ්‍යම ජනතාවට විතරක් ලබා දීමත් ප්‍රාදේශීය ලේකම් කාර්යාල හරහා සිදු කිරීමත් කලා නම් වැඩේ ඉවරයි

: 0 2

Perera Thursday, 03 November 2022 07:11 AM

එතකොට ප්‍රශ්න විසඳන්න ඕන නිලධාරීන් ....ශීර්ෂ පාඨය කියෙව්වාම මම හිතුවේ ජනපති ලේකම් ප්‍රශ්න විසඳලා කියලා

: 1 1

SL Thursday, 03 November 2022 08:29 AM

එයාල මොනවද කරන්නේ ? අපේ බදු වලින් පඩි ගන්නවා , දේශපාලනය කරනවා ... ඒ හැර ? රටට බරක් වුනු රජ්‍යසේවක කොට්ටාශයක්. බරක් විතරක් නොවෙයි ,රාජ්‍යසේවය දේශපාලනයට එල්ලන එකත් කරලා රටම විනාශ කරලා තියෙන්නේ

: 0 4

සමුර්දිකා Thursday, 03 November 2022 08:51 AM

ග්‍රාම නිළධාරින්ට මෙන්ම සමුර්ධි නිළධාරින්ටද දේශපාලන අයිතිවාසිකම් නොදිය යුතුය. මොකද ඔවුන් බොහෝවිට මැතිවරණ අවස්ථාවල සමුර්ධි අහිමි කරනවා කියලා තමන්ගෙ පක්ෂය දිනවීමේ මැතිවරණ කටයුතු වලට සක්‍රීය දායකත්වය දෙන නිසා .

: 0 4