(ලසන්ත නිරෝෂණ පෙරේරා,  සුදත් එච්.එම්.හේවා සහ  සුදත් එස් කුමාරසිරි) 

මධ්‍යම කඳුකරයේ බටහිර බෑම්වලට සහ සබරගමුවේ තැන් කීපයකට ඇද හැළුණු තද වර්ෂාවෙන් පහත් බිම් සහ මාර්ග රැසක් ජලයෙන් යටවූ බව දිස්ත්‍රික් ආපදා කළමනාකරණ මධ්‍යස්ථානය සඳහන් කරයි.

වේ ගඟ පිටාර ගැලීම නිසා කහවත්ත ඕපනායක, හුණුවල ඇතුළු ප්‍රදේශ කීපයක පහත් බිම් රැසක් ජලයෙන් යටවිය.

ඕපනායක හත්තැල්ල මාර්ගය ජලයෙන් යටවීම නිසා දන්දෙනිය ප්‍රදේශයෙන් සම්පූර්ණයෙන්ම යටවිය.

වේ ගඟේ ජල මට්ටම අඩි 18ක් ඉක්මවා තිබූ බව  වාරි කාර්යාලය පවසයි. වේ ගඟේ ජල මට්ටම අඩි 10 පසු කළ විට ගංවතුර අවදානමක් පවතින බව රත්නපුර ආපදා කළමනාකරණ ඒකකය කියයි

මේ අතර  විමල සුරේන්ද්‍ර ජලාශය වාන් දැමීම අද (11) සවස ආම්භ වූ බව ජලාශ බාර ඉංජිනේරු කාර්යාලය කියයි.

ජලාශය වාන් දැමීම නිසා කැලණි ගඟේ ජලමට්ටම ඉහළ යාමේ අවදානමක් පවතින බව ද  විමලසුරේන්ද්‍ර ජලාශය බාර නිලධාරියෙක් පැවැසීය.

කොත්මලේ ගැරඬිඇල්ල උතුරා යාම නිසා මහනුවර නුවරඑළිය මාර්ගය  යටවිමෙන් ප්‍රවාහන කටයුතුවලට බාධා එල්ල විය.