(යොහාන් භාසුර)

ලෝක කුසලාන සුදුසුකම් ලැබීමේ ක්‍රිකට් තරගාවලියේ බුලවායෝහිදී අද (19) පැවැති පළමු තරගයේදී ශ්‍රී ලංකා ක්‍රීඩකයෝ ලකුණු 175 කින් එක්සත් අරාබි එමිර් රාජ්‍ය පරාජය කරමින් පහසු ජයක් ලැබීමට සමත් වූහ.

ජයග්‍රහණය සඳහා ලකුණු 356 ක ඉලක්කය හඹාගිය එක්සත් අරාබි එමිර් රාජ්‍ය පිල ඕවර 39 කදී ලකුණු 180 කට සීමාවිය.

වනිඳු හසරංග දක්‍ෂ පන්දු යැවීමක නිරත වෙමින් ලකුණු 24 කට කඩුලු 6 ක් දවාගනිමින් ශ්‍රී ලංකා ජයග්‍රහණය පහසු කිරීමට සමත් විය. කුසල් මෙන්ඩිස් පන්දු 63 කදී හතf් පහර 10 කින් සමගින් ලකුණු 78 ක් රැස්කරමින් ශ්‍රී ලංකා පිලේ වැඩිම ලකුණු ලාභියා බවට පත්විය. එමිර් රාජ්‍ය පිලේ නායක මොහොමඩ් වසීම් කාසියේ වාසිය ලබා පළමුව පන්දුවට පහර දීමට ශ්‍රී ලංකාවට ආරාධනා කළේය.

ශ්‍රී ලංකා පිල ඕවර 50 යේදී කඩුලු 6 ට 355 (පැතුම් නිස්සංක 57, දිමුත් කරුණාරත්න 52, කුසල් මෙන්ඩිස් 78, සදීර සමරවික්‍රම 73, චරිත් අසලංක නොදැවී 48, වනිඳු හසරංග නොදැවී 23, අලී නසීර් 44/2) එක්සත් අරාබි එමිර් රාජ්‍ය පිල ඕවර 39 කදී සියලු දෙනා දැවී 180 (මොහොමඩ් වසීම් 39, වී. අරවින්ද් 38, රමීද් ශසාද් 26, අලී නසීර් 34, වනිඳු හසරංග 24/6)