(නිමල කොඩිතුවක්කු)

පෞද්ගලික වෛද්‍ය පීඨ ඉදිකිරීම ඇතුලු අධ්‍යාපනය පෞද්ගළිකරණය කිරීමට විරෝධය පළකරමින් වෛද්‍ය පීඨ ශිෂ්‍ය ක්‍රියාකාරී කමිටුව කොළඹ කොටුව දුම්රිය ස්ථානය ඉදිරිපිට අද (06) විරෝධතාවක නිරත විය.

විරෝධතාකරුවෝ සඨන්පාඨ කියමින් විරෝධතා පුවරු ප්‍රදර්ශනය කරමින් පස්වරු 4.00 පමණ සිට විරෝධතාවයේ නිරත වූහ.

පැයක පමණ කාලයක් කොළඹ කොටුව දුම්රිය ස්ථානය ඉදිරිපිට උද්ගෝෂණයේ නිරත වූ විරෝධතාකරුවෝ අනතුරුව ලොටස් පාර හරහා ජනාධිපති ලේකම් කාර්්‍යාලය දක්වා පා ගමනින් විරෝධතාවයේ නිරත වූහ.

රජයේ රෝහල් පෞද්ගලික වෛද්‍ය විද්‍යාලවලට විකිණීම නවතනු, අධ්‍යාපනයට දළ දේශීය නිශ්පාදිතයෙන් සියයට 6 ක් වත් වෙන්කරනු, වෛද්‍ය අධ්‍යාපනය පෞද්ගලිකරණය නවතනු, ණගෘගඹ හරහා වෛද්‍ය උපාධිය විකිණීම නවතනු, විශ්ව විද්‍යාල සිසුන් සඳහා ප්‍රමාණවත් නේවාසික පහසුකම් ලබාදෙනු, පාලකයින් කොතලාවල හරහා වෛද්‍ය උපාදිය විකිණීම නවතනු” ආදී බැනර් සහ පුවරු ප්‍රදර්ශනය කරමින් පිරිස විරෝධතාවේ නිරත වූහ.

විරෝධතාව සඳහා දිවයිනේ විවිධ ප්‍රදේශවල පිහිටි වෛද්‍ය පීඨ සිසුන් විශාල පිරිසක් එක්ව සිටියහ.

විරෝධතාවය හේතුවෙන් කොලඹ කොටුව දුම්රිය සථානය ඉදිරිපිටින් වන බස් රථ මාර්ගයේ එක් මංතීරුවක් අවහිර වූ අතර මේ හේතුවෙන් එම ප්‍රදේශය අවට රථවාහන තදබදයක්ද ඇතිවිය. විරෝධතාවය සහ පාගමන සිදුවන අවට පොලිස් නිලධාරීන් හා කැරලි මර්ධන ඒකකයද කැඳවා තිබිණ.