(ශාන්ත චන්ද්‍රසිරි)

හැටන්- නුවරඑළිය මාර්ගයේ කොටගල මේෆීල්ඩ් මංසන්ධියේ මාර්ගය අසල වැටී තිබු පුද්ගල මළසිරරුක් අද (12)  සොයාගත් බව දිඹුලපතන පොලීසිය පවසයි. 

මෙසේ මිය ගොස් ඇත්තේ බලංගොඩ, මොරහැල, මැදගමමැද්ද ප්‍රදේශයේ පදිංචි නදීර සම්පත් (27) නැමැති තරුණයෙකුගේ බවට හඳුනාගෙන ඇතැයි පොලීසිය කියයි.

පොලීසිය  සොයා ගන්නාවිට සිරුරේ භාහිර තුවාල තිබු බවත්, මෙම පුද්ගලයා  රිය අනතුරකට ලක්වන අයුරු ඒ අසල සවි කොට තිබු ආරක්ෂිත කැමරාවක සටහන්ව ඇති බවට පොලීසිය විසින් සිදු කරන ලද මුලික පරික්ෂණවලදී අනාවරණය වී තිබේ. 

මෙම පුද්ගලයා තලවකැලේ ප්‍රදේශයේ මත්ස්‍ය වෙළෙඳසැලක සේවය කරනු ලබන අයෙකු බවද අනාවරණය වී ඇති බව පොලීසිය කියයි.

මහේස්ත්‍රාත්වරයා පැමිණ සිදු කරන ලබන ස්ථානීය පරික්ෂණයෙන් පසුව අධිකරණ මරණ පරීක්ෂණ කටයුතු සඳහා සිරුර නුවරඑළිය මහ රෝහල වෙත රැගෙන යාමට පොලීසිය කටයුතු යොදා තිබිණි. 

මේ පිළිබඳව දිඹුලපතන පොලීසිය වැඩිදුර විමර්ශණ කටයුතු සිදු  කරනු ලබයි.

.