වේයන්ගොඩ කොන්ක්‍රීට් ගල් ගොඩක අත්බෝම්බ

(පුෂ්පකුමාර මල්ලවආරච්චි)

වේයන්ගොඩ ජයසූරිය මාවතේ තුන්වැනි මහලේ ඉදිකරමින් පවතින නිවසක කොන්ක්‍රීට් ගල්ගොඩක තිබී ජීව අත්බෝම්බ දෙකක් සොයා ගත් බව වේයන්ගොඩ පොලිසිය කියයි.

ගොඩනැගිල්ලේ ඉදිකිරීම් කටයුතුවල යෙදී සිටින පෙදරේරුවන් ට මෙසේ මෙම බෝම්බ හමුවී ඇත. මෙසේ හමුවීීඇත්තේ මෙරට නිෂ්පාදිත ජීව අත්බෝම්භයක් හා විදේශීය රටක නිෂ්පාදිත බෝම්බයක් බව පොලිසිය සඳහන් කරයි විදේශීය රටක නිෂ්පාදිත බෝම්බය මලකඩ කා දිරා යමින් තිබූ එකක් බව පොලිසිය කියයි.

මෙසේ හමු වූ බෝම්බ සම්බන්ධයෙන් අත්තනගල්ල අධිකරණයට කරුණු වාර්තා කර පොලිස් විශේෂ කාර්ය බලකාය කැඳවා නිෂ්ක්‍රීය කිරීමට කටයුතු කරන බවද පොලීසිය සඳහන් කරයි

මෙම බෝම්බ මෙම ස්ථානයට ලැබුණු ආකාරය හෙළි කර ගැනීමට වේයන්ගොඩ පොලිසිය පරීක්ෂණ සිදු කරයි.

අදහස් (1)

වේයන්ගොඩ කොන්ක්‍රීට් ගල් ගොඩක අත්බෝම්බ

Bunny Preena Wednesday, 27 September 2023 02:51 PM

බොහෝ කාලෙකට පෙර කිසවකු විසින් සඟවා තිබූ එකක් විය යුතුයි

: 0 0