(ප්‍රසාද් රුක්මල් ) 

බණ්ඩාරවෙල නගරයේ වට්ස්සැප් මාර්ගයේන් ඉතා සූක්ෂම අයුරින්  සෙලෝටේප් වල අසුරා  හොර රහසේ    හෙරොයින් මත්ද්‍රව්‍ය  විකිනීමේ ජාවාරමක නිරතව සිටි හිටපු යුදහමුදා ආබාධිත සෙබළකු රුපියල් ලක්ෂ 30 ක් පමණ වටිනා හෙරොයින් මත්ද්‍රව්‍ය පැකට් 320 ක් සමඟ  අද  (6) අලුයම බණ්ඩාරවෙල නගරයේ දී සැකපිට අත්අඩංගුවට ගත් බව බණ්ඩාරවෙල කොට්ඨාස අපරාධ විමර්ශන කාර්යාංශය පවසයි .

වැලිමඩ අඹගස්දොව ප්‍රදේශයේ පදිංචි දැනට බණ්ඩාරවෙල පෙරේරා මාවතේ තාවකාලික කුලී නිවසක නතර වී සිටින 40 හැවිරිදි  හිටපු යුදහමුදා ආබාධිත සෙබළකු මෙසේ අත්අඩංගුවට ගනු ලැබිනයි පොලිසිය කීය .

ලැබුණු තොරතුරක් මත බණ්ඩාරවෙල කොට්ඨාස අපරාධ විමර්ශන කාර්යාංශයේ නිලධාරීන් බණ්ඩාරවෙල නගරයේ පිහිටි මෙම කුලී නිවස වටලන අවස්ථාව වන විටත් සැකකරු හෙරොයින් මත්ද්‍රව්‍ය කුඩා පැකට් වලට අසුරා ගැනුම්කරුවන්ට විකිණීම සදහා  පැකට් කරමින් සිටි බවද පොලිසිය සදහන් කළේය .

විදෙස් රටක සිටින ප්‍රධාන පෙලේ මත්ද්‍රව්‍ය ජාවරම්කරවෙකු මෙම මත්ද්‍රව්‍ය ජාවාරම මෙහෙයවන බවට පොලිසිය සැකකරයි .