කෝවිඩ් - 19 නව කොරෝනා වයිරසය හේතුවෙන් ඕස්ට්‍රේලියාවෙන් තවත් රෝගීන් 110ක්ද, ඔස්ට්‍රියාවෙන් 139ක්ද, ඇ.එ.ජනපදයෙන් 113ක්ද, දකුණු කොරියාවෙන් 93ක්ද වාර්තා වී ඇත.

කොරෝනා වයිරසය මේ වන විට ලෝකයේ රටවල් 167ක් ආක්‍රමණය කර තිබේ. ඊට අමතරව ජපානයේ යොකොහාමා නුවර ආසන්නයේ නැංගුරම් ලා ඇති ඩයමන්ඩ් ප්‍රින්සස් නෞකාවටද එය පැතිරී තිබෙන අතර එම නෞකාවෙන් මේ වනවිට හමුවූ රෝගීන් ගණන 712ක් වන අතර ඉන් 7 දෙනෙකු මියගොස් තිබේ.

අද (18) ශ්‍රී ලංකා වේලාවෙන් සවස 3.30 වනවිට තිබූ තත්ත්වය අනුව ලෝකය පුරා කොරෝනා වයිරසය ආසාදිත සංඛ්‍යාව 200,099ක් වූ අතර මරණ 8,010ක් වාර්තා වී ඇත. මේ වනවිට 82,813ක් සුවය ලබා තිබිණි.