(බිමල් ශ්‍යාමන් ජයසිංහ)

රුපියල් ලක්ෂ 80 ක් පමණ වටිනා කුෂ් මත්ද්‍රව්‍ය තොගයක් සමඟ පුද්ගලයෙකු අත්අඩංගුවට ගත් බව බස්නාහිර පළාත දකුණ දිසාව අපරාධ කොට්ඨාසය කියයි.

එම සැකකරු සන්තකයේ තිබී කුශ් මත්ද්‍රව්‍ය  කිලෝ  2 යි ගෑම් 40 ක් පොලිස් භාරයට ගෙන ඇත.

මන්නාරම සිට පෑලියගොඩ මත්ස්‍ය වෙළඳ සැලට මාළු රැගෙන එන ලොරිවල මාළු පෙට්ටි තුළ සූක්‍ෂම ලෙස සඟවා  කුෂ් මත්ද්‍රව්‍ය  රැගෙන එන ජාවාරමක් සිදුවන බවට බස්නාහිර පළාත් දකුණු දිසාව අපරාධ කොට්ඨාශයට ලද තොරතුරක් මත එම ජාවාරමටට සම්බන්ධ ප්‍රධානතම පුද්ගලයකු මත්ස්‍ය වෙළඳ සැලක සේවකයෙකු බවට අනාවරණය කර ගැනීමට හැකිවී ඇත.

ඒ අනුව එම පුද්ගලයා සම්බන්ධයෙන් දින කීපයක් තිස්සේ  තොරතුරු රැස්කර මෝදර සත්සිරු සෙවණ මහල් නිවාස සංකීර්ණයෙන්  පිටතට පැමිණෙන අවස්ථාවේදී පියගැට පෙළ මතදී  මත්ද්‍රව්‍ය සමග අත්අඩංගුවට ගැනීමට හැකිවූ බව පොලිසිය කියයි