(හිරාන් ප්‍රියංකර ජයසිංහ )

ට්‍රයිටැන් වාලම්පුරියක් රුපියල් ලක්ෂ 15කට  අලෙවි කිරීමට රැගෙන ආ තරුණයකු ගුවන් හමුදා බුද්ධි නිළධාරීන් හා පොලිස විශේෂ කාර්ය බලකා නිළධාරීන්  වනජීවි නිළධාරීන් එක්ව   මාරවිල නගරයෙදී අත් අඩංගුවට ගෙන තිබේ.

අත් අඩංගුවට ගෙන ඇත්තේ  24 හැවිරිදි මාරවිල පදිංචිකරුවෙකි. සැකකරු පවසා ඇත්තේ තම සොහොයුරා විදේශ නැවක සේවය කරන බවත් එහිදි ලැබුණු මෙය නිවසට රැගෙන විත් තිබියදී අලෙවි කිරීමට කටයුතු කළ බවයි.

මීරිගම ගුවන් හමුදා කදවුරේ බුද්ධි නිළධාරීන් ලබා දුන් තොරතුරක් මත ඔවුන්ගේ උපාය දූතයකු යොදා ගනිමින් පුත්තලම පොලිස් විශේෂ කාර්ය බලකා නිළධාරීන් හා කරුවලගස්වැව වනජීවි නිළධාරීන් ඒකාබද්ධව මෙම මෙහෙයුම ක්‍රියාත්මක කර තිබුණි.

මෙම  ට්‍රයිටැන් වාලම්පුරියද දිගින් අගල් 16 කට ආසන්න බවත් එය වටය අගල් 20 කට වැඩි බවද කියයි. රුපියල් කෝටියකට අධික මුදලකට ඇතැම් අවස්ථාවලදි මෙමෙ ට්‍රයිටැන් වාලම්පුරි අලෙවි වි ඇති අතර එය ධනවතුන් තම විනෝදයට එකතු කිරීමට පුරුදුව සිටින බවද කියයි.

ඉතා දුර්ලභ මෙන්ම ලෝකයෙ විශාලතම යෝධ වාලම්පුරි ලෙස  මේ වර්ගයේ වාලම්පුරි සැලකෙන බවද කියයි.