(සුජිත් හේවාජුලිගේ සහ  අංජුල මහික වීරරත්න)

රාජ්‍ය  ආරක්ෂක අමාත්‍යාංශයේ වැය ශීර්ෂය වැඩි ඡන්ද අසූ එකකින් පාර්ලිමේන්තුවේ දී ඊයේ(24) පස්වරුවේ සංශෝධන සහිතව සම්මත විය.

වැය ශීර්ෂයට පක්ෂව ඡන්ද  91 ක් ලකුණු අතර ඊට විරුද්ධව ලැබුණේ ඡන්ද දහයක් පමණි.

දෙමළ ජාතික සන්ධානයේ මන්ත්‍රීවරු වැය ශීර්ෂයට විරුද්ධ විරුද්ධව ඡන්දය ප්‍රකාශ කළහ.

ඡන්දය විමසන අවස්ථාවේදී සමගි ජන බලවේගය,  ජාතික ජන බලවේගය සහ  ශ්‍රී ලංකා නිදහස් පක්ෂය යන පක්ෂ වල මන්ත්‍රීවරු කිසිවෙක් සභාවේ නොසිටියහ.

වැය ශීර්ෂයට ඡන්ද විමසීමක් ලබාදෙන්නැයි කතානායකවරයාගෙන් ඉල්ලා සිටියේ ගජේන්ද්‍ර කුමාර් පොන්නම්බලම් මන්ත්‍රීවරයාය.

මෙයට අමතරව අද විවාදයට ගැනුණු මහජන ආරක්ෂක සහ තාක්ෂණ අමාත්‍යාංශවල  වැය ශීර්ෂද ඡන්ද විමසීමකින් තොරව සම්මත විය.

ආරක්ෂක මහජන ආරක්ෂක සහ තාක්ෂණ යන අමාත්‍යාංශවල නෑ ශීර්ෂ පිළිබඳ විවාදය පාර්ලිමේන්තුවේ දී අද දවස පුරා පැවැත්විණ.