2025 දෙසැම්බර් මස 23 වන අඟහරුවාදා
(ඩයනා උදයංගනී)
රුහුණ විශ්වවිද්යාලයීය තාක්ෂණ පීඨය වසා දැමීම, එහි උපශාලාධිපතිවරයෙකු මන්නා පිහි රැගෙන බීමතින් පැමිණ සිසුන්ට පහරදීමට උත්සාහ කිරීම සහ සරසවිය තුළ ක්රියාත්මක මර්දනය සම්බන්ධයෙන් විරෝධය පා තාක්ෂණ පීඨ සිසුන් අත්සන් කළ විරෝධතා පෙත්සමක් විශ්වවිද්යාල ප්රතිපාදන කොමිෂන් සභාව වෙත භාරදීම අද (3) සිදුකෙරිණි.
අන්තර් විශ්වවිද්යාලයීය ශිෂ්ය බලමණ්ඩලයේ නියෝජිතයන් කිහිපදෙනකු විශ්ව විද්යාල ප්රතිපාදන කොමිසම වෙත පැමිණ එහි උප සභාපති ජ්යෙෂ්ඨ මහාචාර්ය චන්දන උඩවත්ත මහතා මුණගැසී මෙම පෙත්සම භාර දී ඇත.
රැහුණ විශ්වවිද්යාලයේ ඇතිවූ ගැටුමට හේතු වූ තාක්ෂණ පීඨ ශිෂ්ය නේවාසිකාගාරයේ උප ශාලාධිපතිවරයා බීමතින් පැමිණ සිසුන්ට තර්ජනය කරන වීඩියෝ දර්ශන ද අන්තර් විශ්වවිද්යාලයීය ශිෂ්ය බලමණ්ඩලය ඊයේ (2) පැවැත්වූ මාධ්ය හමුවකදී මාධ්ය වෙත ලබාදී තිබිණි.
උප ශාලාධිපතිවරයාගේ හැසිරීම ගැන නොසොයා ශිෂ්යයන්ගේ පන්ති තහනම් කරන්නට එහි විශ්ව විද්යාලයේ උපකුලපතිවරයා සැරසෙන බවත්, මේ වන විට රටපුරා විශ්වවිද්යාල රැසක ශිෂ්ය මර්දනයන් ක්රියාත්මක බවත්, මෙම පෙත්සම භාරදීමෙන් අනතුරුව මාධ්ය හමුවේ අදහස් දැක්වූ අන්තර් විශ්ව විද්යාල ශිෂ්ය බල මණ්ඩල නියෝජිත මධුෂාන් චන්ද්රජිත් මහතා පැවසීය.
ශිෂ්ය මර්දනය නවතා දමා පීඨය නැවත ආරම්භ කිරීමට විශ්ව විද්යාල ප්රතිපාදන කොමිෂන් සභාව මැදිහත්වනු ඇතැයි බලාපොරොත්තු වන බව ද හෙතෙම සඳහන් කළේය.
2025 දෙසැම්බර් මස 18
379
2
ශ්රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා
2025 දෙසැම්බර් මස 16
224
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
1019
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
රුහුණු තාක්ෂණ සිසුන්ගෙන් කොමිසමට පෙත්සමක්