(ලේකම්ගේ අනුර)

ශ්‍රී ලංකා රාමඤ්ඤ මහා නිකායේ 74 වැනි ජාතික උපසම්පදා මහෝත්සවයේ සමාරම්භක උත්සවය අග්ග මහා පණ්ඩිත මකුලෑවේ ශ්‍රී විමල ශ්‍රී ලංකා රාමඤ්ඤ මහා නිකායේ මහා නායත  හිමියන්ගේ ප්‍රධානත්වයෙන් ජනාධිපති අනුර කුමාර දිසානායක මහතාගේ සහභාගිත්වයෙන් ගල්නෑව මහවැලි ක්‍රීඩාංගණයේදී අද ආරම්භ කෙරිණි.

දෙවසරකට වරක් සිදු කරන මෙම උපසම්පදා විනය කර්මය, මෙවර ජනපති කාර්යාලයේ සහ අමාත්‍යාංශ 21ක සම්බන්ධීකරණයෙන් රාජ්‍ය උත්සවයක් ලෙස පැවැත්වීමට කටයුතු කර ඇති අතර මෙදින ආරම්භ කළ මෙම ආගමික වැඩසටහන ජූලි මස 08 වැනි දිනය දක්වා පැවැත්වෙයි.

මෙම ආගමික වැඩසටහන ජූලි මස 08 වැනි දිනය දක්වා කලා වැව ගෝන නදී උදකුක්ඛේප සීමා මාලකයේදීත්, අනුරාධපුර, විජිතපුර, පලුගස්වැව පුණ්‍යවර්ධනාරාමය මහාවිහාරය කේන්ද්‍ර කර ගනිමිනුත් පැවැත්වීමට සියලු කටයුතු කර ඇත.