(මුදිතා දයානන්ද)

රාජ්‍ය ඖෂධ නීතිගත සංස්ථාවෙන් එකක් රුපියල් 475කට මිලදි ගත හැකිව තිබියදි රාගම ශික්ෂණ රෝහලේ කළමණාකාරිත්වය 2020 වසරේදී එකක් 2050 බැගින් එන් 95 මුහුණු ආවරණ 1080ක් මිලදී ගැනීමෙන් රුපියල් දාහත් ලක්ෂයක පාඩුවක් සිදුකිරිම සම්බන්ධයෙන් විධිමත් පරීක්ෂනයක් සිදුකරන ලෙස විගණකාධිපති දෙපාර්තමේන්තුව සෞඛ්‍ය අමාත්‍යංශයට නිර්දේශ කර තිබේ.

මේ බව සඳහන් වන්නේ සෞඛ්‍ය අමත්‍යාංශය සම්බන්ධයෙන් 2021 වසරේ දෙසැම්බර් 31 දිනට සිදුකළ විගණන වාර්තාවේය.

මෙම මුහුණු ආවරණ මිලදි ගෙන තිබුණේ වෛද්‍ය සැපයුම් අංශය විසින් එම රෝහලට ප‍්‍රමාණවත් තරම් මුහුණ ආවරණ සපයා තිබියදි බවද එහි සඳහන් වේ.

වෛද්‍ය සැපයුම් අංශයෙන් ලබාදුන් මුහුණු ආවරණ රසායනාගාර සේවකයින්ගේ ආරක්ෂාවට තර්ජනයක් විය හැකි බවට ක්ෂුද්‍රජීව විශේෂඥ වෛද්‍යවරියගේ ඉල්ලීම පරිදි නව මිලදි ගැනීම සිදුකළ බව රෝහලේ කළමණාකාරිත්වය විගණනයට දැනුම් දි තිබේ.

මෙම භාණ්ඩ මිලදී ගැනිමේදි නිසි ප‍්‍රසම්පාදන ක‍්‍රියාවලයකට යටත්ව සිදුකළ නැති බවද එම ක‍්‍රියාවලියේ ගැටලූ රැුසක් ඇති බවද එහි ස\හන් වේ.

විගණන වාර්තාවට අනුව ප‍්‍රසම්පාදනයේදි ඉදිරිපත් කර තිබු ලංසුවලින් එකක් ව්‍යාජවේ. ලංසුකරුවන් තිදෙනෙක්ම මෙම භාණ්ඩ සැපයුම සඳහා ලියාපදිංචි වුවන් නොවේ. එසේම මෙම මිලදි ගැනීම සිදුකළ සැපයුම්කරුගෙන් සිදුකළ මිල ගණන් කැඳවීම් විගණනයට ඉදිරිපත් නොකළ අතර එය සිදුකලේ ෆැක්ස් මගින් බවට කළමණාකාරිත්වය දන්වා ඇත.

එහෙත් ඒ සඳහා සාක්ෂිද ඉදිරිපත්ව නැත. පසුව රෝහල් කළමණාකාරිත්වය කරුණු දක්වමින් සඳහන් කර තිබෙන්නේ හදිසි මිලදි ගැනීමක් නිසා ි දුරකථනයෙන් මිල ගණන් ලබාගෙන ගනුදෙනුව සිදුකළ බවය.