’’රජයේ සේවකයන්ට පඩි නොගෙවා සිටන් නෑ’’

(අංජුල මහික වීරරත්න සහ සුජිත් හේවාජුලිගේ)

ලංකාණ්ඩුව කිසිවිටෙක රජයේ සේවකයන්ට පඩිය නොගෙවා ඉන්නේ නැතැයි ප්‍රවාහන හා ජනමාධ්‍ය අමාත්‍ය බන්දුල ගුණවර්ධන මහතා පැවසීය.

රජයේ ප්‍රාග්ධන වියදම් කපා හෝ රජයේ සේවකයන්ට වැටුප් ගෙවන බව කී අමාත්‍යවරයා මතුවී තිබෙන අර්බුදය එය බවද සඳහන් කළේය.

රජයේ සේවකයන්ට පඩි ගෙවන්න වත් සල්ලි නැතැයි බන්දුල ගුණවර්ධන මහතා පාර්ලිමේන්තුවේදී පෙරේදා කළ ප්‍රකාශයක් සිහිපත් කරමින් පොදුජන පෙරමුණේ රත්නපුර දිස්ත්‍රික් මන්ත්‍රී ගාමිණී වලේබොඩ මහතා රාජ්‍ය සේවකයන්ගේ මෙවර වැටුප ගෙවන්නේ නැද්දැයි පාර්ලිමේන්තුවේ දී ඊයේ විමසීමක් කළේය.

ඊට පිළිතුරු දෙමින් අමාත්‍ය බන්දුල ගුණවර්ධන මහතා ඉහත ප්‍රකාශය කළේය.

අදහස් (2)

’’රජයේ සේවකයන්ට පඩි නොගෙවා සිටන් නෑ’’

amila Thursday, 22 September 2022 03:06 PM

ලක්ෂ 5 ක් ඉන්න තැන ලක්ෂ 14 ක් ඉන්නව. ජනතා පොරොන්දු ඉෂ්ට කරන්න දීපු රස්සා. මොන තරම් බරක්ද රටකට. සල්ලි අච්චු ගහන්නත් විදියක් නැහැ කිව්ව නේද? කොහොමද පඩි දෙන්නේ. මීට වඩා හොඳ නැද්ද වැටුප් ගෙවන්න බැහැ කියලා ඇත්තම කිව්වනම්. මාස දෙකක් තුනක් යද්දි වැඩිපුර ඉන්න රජයේ සේවකයෝ අනිවාර්යයෙන්ම අස්වෙලා යයි. එයාලව කොරියා රස්සාවලට යවන්න පුළුවන්. ලොකු බරකින් සහ ඉදිරියෙදි එන්න තියන ලොකු ප්‍රශ්නයකින් ගැලවෙන්න හොඳම මාර්ගයක්. ඉදිරිය ගැන හිතලා හරියටම තීරණ ගන්න.

: 0 13

Perera Thursday, 22 September 2022 11:58 PM

අච්චු ගැහුවා.. පඩිය දුන්නා.. නොගෙවා ඉන්න ඕනෑ නැහැ නේන්නම්...!

: 0 1