රුසියානු හිතවාදී කැරලිකරුවන් පාලනය කරන  යුක්රේනයේ ඩොනෙට්ස්ක්හි පවතින යුද ගැටුම් හේතුවෙන් එහි වැසියන්ට රුසියාවට පලා යන්නැයි එහි පාලක  ඩෙනිස් පුෂිලින් ජනතාවගෙන් ඉල්ලා ඇත.

ඩොනෙට්ස්ක් යනු රුසියානු හිතවාදී කැරලිකරුවන් විසින් පාලනය කරනු ලබන යුක්රේනයේ දිස්ත්‍රික්කයකි.

”යුක්රේන හමුදාවන් නේටෝ සංවිධානයේ සහ ඇමෙරිකාවේ යුද ආධාර හේතුවෙන් ශක්තිමත් වී ඇති නිසා  මිලිටරි ආක්‍රමණයක්  අපේක්ෂා කරන බැවින්” සිවිල් වැසියන්ගෙන් ඉල්ලා සිටියේ යුක්රේන හමුදා සහ තම කැරලිකාර හමුදා අතර සිදුවන  වෙඩි හුවමාරුවකදී තම වැසියන් එයට මැදි විය හැකි නිසා ජීවිත ආරක්ෂාව සඳහා  රුසියාවට පැනයන ලෙස ස්වයං-ප්‍රකාශිත ඩොනෙට්ස්ක් මහජන සමූහාණ්ඩුවේ නායකයා එසේ ඉල්ලා ඇත.  

යුක්රේන ජනාධිපති ව්ලොදිමීර් සෙලෙන්ස්කි ”නුදුරු අනාගතයේදී” ප්‍රහාරයක් සඳහා නියෝග කරනු ඇතියි යුක්රේන කැරලිකරුවෝ අපේක්ෂා කරති.

කැරලිකාර  මිලිටරි හමුදාවන් සටන් කිරීමට සූදානම්ව සිටින නමුත් කැරලිකරුවන්ගේ පාලන ප්‍රදේශවල සිටින අහිංසක  සිවිල් වැසියන් වෙඩි හුවමාරුවට හසුවීමේ අවදානමක් පවතින බැවින් ඩොනෙට්ස්ක් මහජන සමූහාණ්ඩුවේ ප්‍රධානියා තම සිවිල් වැසියන්ට රුසියාවට පැනයන මෙන්  අනතුරු ඇඟවීය.

“එබැවින් පෙබරවාරි 18 වන දින සිට රුසියානු සමූහාණ්ඩුව වෙත එහි ජනතාව විශාල වශයෙන් ඉවත් කිරීම සංවිධානය කර ඇත,” ඔහු පැවසුවේ කාන්තාවන්, ළමයින් සහ වැඩිහිටියන් වැනි අවදානමට ලක්විය හැකි කණ්ඩායම්වලට ප්‍රමුඛත්වය ලබා දෙන බවයි. පුෂිලින් පැවසුවේ අසල්වැසි රොස්තොව් කලාපයේ සිටින  රුසියානු නිලධාරීන් තම සිවිල් ජනතාව පැමිණේවියැයි  අපේක්ෂාවෙන්  සිටින අතර  එහිදී පැමිණෙන අය හට  අවශ්‍ය දේ ලබා දීමට සුදානමින් සිටියි.

දැනටමත් ෂෙල් වෙඩි ප්‍රහාර ආරම්භ වී ඇති අතර 17 වෙනි දින සිදුවූ ෂෙල් වෙඩි ප්‍රහාර කිහිපයේදී එක ෂෙල් වෙඩිල්ලක් යුක්රේනයේ   ස්ටැනිට්සියා ලුහන්ස්කා ප්‍රදේශයේ  පෙර පාසලකට වැදී ඇත.

(විමුක්ති එස් රුද්‍රිගු රොයිටර්ස් ඇසුරිනි)