(මහේෂ් කිර්තිරත්න)

මාතලේ දිස්ත්‍රික්කයට බලපෑ අයහපත් කාලගුණික තත්ත්වය හේතුවෙන් 24 දෙනකු මේ වන විට ජීවිත්ක්ෂයට පත්ව  පුද්ගලයන් 06 දෙනකු අතුරුදන් වී ඇති බව මාතලේ මහ දිසාපති ප්‍රසන්න මදනායක මහතා අද(01) මාතලේ දිස්ත්‍රික් ලේකම් කාර්යාලයේදී පැවති මාධ්‍ය හමුක පැවසිය .

මාතලේ දිස්ත්‍රික්කයේ ප්‍රාදේශීය ලේකම් කොට්ඨාස 11ක පවුල් 3142ක් පුද්ගලයන් 10565 පීඩාවට පත්ව ඇති අතර සුරක්ෂතා මධ්‍යස්ථාන 53ක පුද්ගලයන් 5481 ප්‍රමාණයක් රඳවා ඇති බවද නිසා දිසාපතිවරයා පැවසීය.

ආපදා හේතුවෙන් තිදෙනකු තුවාල ලබා රෝහල් ගතව ඇති බවද වාර්තා වේ.

දිස්ත්‍රික්කයේ ප්‍රාදේශීය ලේකම් කොට්ඨාශ ගණනාවක නාය යෑම හා පස් කඳු කඩා වැටීම් හේතුවෙන් විදුලිය විසන්ධි වී ඇතැයි අතර යථා තත්ත්වයට පත් කිරීම ලංකා විදුලි බල මණ්ඩලයේ නිලධාරීන් විසින් මේ වන විටත් සිදු කරනවා.

මේ විට සුරක්ෂතා මධ්‍යස්ථානවල සිටින ජනතාව සඳහා අත්‍යවශ්‍යය ‍ද්‍රව්‍ය ලබාදීම සිදු කරනවා. විවිධ සංවිධාන ඇතුළු පරිත්‍යාගශීලීන්ගෙන් අදාල භාණ්ඩ ලබා දෙන ලෙස ද දිසාපතිවරයා ඉල්ලීමක් කළේය.

මෙම මාධ්‍ය හමුව සඳහා ආපදා කළමනාකරණ මධ්‍යස්ථානයේ සහකාර අධ්‍යක්‍ෂ චමින්ද අමරවීර, ජාතික ගොඩනැගිලි පර්යේෂණ ආයතනයේ භූ විද්‍යාඥ චමින්ද මොරේමඩ,මාතලේ අතිරේක දිසා ලේකම් ආර්.රියාල්දින්, සැලසුම් අධ්‍යක්‍ෂි අනුරුද්ධ බණ්ඩාර යන මහත්ම මහත්මීන් එක්ව සිටියහ .