( ජේ.කේ.එල්. චාමින්ද)

 මහනුවර ජාතික රෝහලේ දි  සි.ටි ස්කෑන් පරික්ෂණ කරගැනිම සදහා  වසර දෙකකට ආසන්න කාලයක් පොරොත්තු ලේඛනවල රැදි සිටිමට රෝගින්ට සිදුවි ඇති බැව්  ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.

 මහනුවර ජාතික රෝහලේ  විකිරණ විශේෂඥ වෛද්‍යවරුන් තිදෙනෙකු විසින්  ලබාදුන් තොරතුරු අනුව 2024 වර්ෂයේ මාර්තු මස 06 දින වනවිට  සි.ටි  පරික්ෂණ පොරොත්තු ලේඛනය තුල   රැදි සිටින රෝගින් සංඛ්‍යාව 1738කි. එම රෝගින්ගේ පොරොත්තු කාලය 2026 වර්ෂයේ මාර්තු 12 දින දක්වා පැවතුණි.

 රෝහල සතුව පවතින  මානව හා භෞතික සම්පත්වල හිගකම හේතුවෙන් මෙම තත්ත්වය  උදාවි ඇති බැව්  සෞඛ්‍ය අමාත්‍යංශයේ ගණන්දිමේ නිලධාරියා විසින් විගණනයට සදහන් කොට ඇත.

 අමතර රාජකාරි සදහා නිදර්ශක දිමනා අනුමත කිරිම,යටිතල පහසුකම් සංවර්ධනය, දත්ත ගබඩා කිරිමේ පහසුකම් ආදිය මගින්  මෙම තත්ත්වය අවමකරගැනිමට කටයුතු කරමින් පවතින බවට ප්‍රධාන ගණන්දිමේ නිලධාරිවරයා විසින් විගණනයට සදහන් කොට ඇත.

 සෞඛ්‍ය අමාත්‍යංශය සම්බන්දයෙන් 2024 වර්ෂයට අදාළව නිකුත්කොට ඇති විගණන වාර්තාවේ මෙම තොරතුරු ඇතුළත්ව ඇත.