(ආනන්ද ඉ ජයකොඩි)

මධ්‍යම අධිවේගී මාර්ගයේ තනාගෙන යන මාර්ග කොටසක තිබූ රුපියල්  හාර ලක්ෂ අසූ හය දහසක් වටිනා යකඩ තොගයක් සොරා ගෙන ගොස් විකුණා ඇති බව කියන චීන ජාතිකයෙකු අත් අඩංගුවට ගත් බව වේයන්ගොඩ පොලීසිය පවසයි.

මධ්‍යම අධිවේගී මාර්ගයේ වේයන්ගොඩ ප්‍රදේශයේ තනා ගෙන යන මාර්ග කොටසක තිබු රුපියල් හාර ලක්ෂ අසූ හය දහසක් පමණ වටිනා යකඩ තොගයක් සොරා ගෙන ගොස් ඇති බවට එහි ඉදිකිරීම් සමාගමක පැමිණිල්ලකට අනුව පරීක්ෂණ පවත්වා එහි සේවයේ නියුතු චීන ජාතිකයෙකු අත්අඩංගුවට ගත් බව ද පොලීසිය කීය.

එසේ සොරා ගෙන ගොස් ඇති යකඩ තොගය වටද්දර ප්‍රදේශයේ ස්ථානයකට විකුණා තිබියදී සොයා ගැනීමට හැකි වූ බව වේයන්ගොඩ පොලිස් ස්ථානාධිපති ප්‍රධාන පොලිස් පරීක්ෂක චන්න වෑත්තෑව මහතා පැවසීය.

අත් අඩංගුවට ගන්නා ලද සැකකාර චීන ජාතිකයා ඉදි කර ගෙන යනු ලබන අධිවේගී මාර්ග කොටසේ සේවය කරන්නෙකු බවට වැඩිදුරටත් කරන ලද පරීක්ෂණ වලදී හෙළි වී ඇත.