(රොමේෂ් මධුෂංඛ)

බූරවී සුලි කුණාටු තත්වය හේතුවෙන් උතුරු පලාතේ ප්‍රදේශ කිහිපයකට බලපෑම හේතුවෙන් ගමනාගමන කටයුතු වලට හා නිවාස කිහිපයකට අද (02) සවස හානි සිදුව ඇති අතර  පුද්ගල අතුරුදන්වීමක්ද වාර්තා වී ඇති බවට දිස්ත්‍රීක් ආපදා කලමනාකරන ඒකකය කියා සිටියි.

අතුරුදන් වී ඇත්තේ පොන්නාලෙයි ප්‍රදේශයෙන් මුහුදු ගිය ධීවරයෙකි.

අධික සුලි සුලං තත්වයක් බලපා ඇති අතරම ධීවර යාත්‍රාවලටද හානි සිදුව ඇත.

උතුරු පලාතේ යාපනය , මුලතිව් , කිලිනොච්චිය හා මන්නාරම් දිස්ත්‍රීක්කයන්හි ප්‍රදේශ කිහිපයක මෙලෙස සුලි සුලං හා වර්ෂාව හේතුවෙන් හාන් සිදුව ඇති බවට වාර්තා වී තිබේ.

කන්දපුරම් ප්‍රදේශයටද බලපෑ අධික සුලි සුලං තත්වයක් හේතුවෙන් ගස් කඩා වැටීම නිසා නිවාස රැසකට හානි සිදුව ඇති බවට දිස්ත්‍රීක් ආපදා කලමනාකරන ඒකකය පෙන්වා දෙයි,

එමෙන්ම මුලතිව් දිස්ත්‍රීක්කයේද කෝකිලායි, තන්නිරුත්තු, මුල්ලියාවලෙයි ඇතුලු ප්‍රදේශ කිහිපයකට අධික සුලං තත්වයක් ඇති වීම නිසාවෙන් නිවාස කිහිපයකට සුලු හානි සිදුව ඇති අතරම මුලතිව් මුල්ලියාවලෙයි  ප්‍රධාන මාර්ගයට ගස් කඩා වැටීම හේතුවෙන් ගමනාගමන කටයුතුද අඩාල වී ඇති අතර යුද හමුදාව එක්ව වැටුනු ගස් ඉවත් කිරීමේ කටයුතු සිදු කරමින් සිටිති.