බ්‍රිතාන්‍යයේ කොරෝනා රෝගයෙන් මියගිය සංඛ්‍යාව 50,000 පසුකර තිබේ.රජය විසින් නිකුත් කළ නවතම සංඛ්‍යා ලේඛනවල දැක්වෙන්නේ මේ වනවිට බ්‍රිතාන්‍යයේ සිදුව ඇති මරණ සංඛ්‍යාව 50,365ක් බවයි.

පසුගිය පැය 24 තුළ පමණක් බ්‍රිතාන්‍යයෙන් මරණ 595ක් සිදුව තිබේ. ඒ අනුව යුරෝපයේ මරණ 50,000 වාර්තා කළ ප්‍රථම රට බවට බ්‍රිතාන්‍ය පත්ව තිබේ.

මින්පෙර මරණ 50,000 සීමාව පසුකර තිබුණේ ඇමරිකාව, බ්‍රසීලය, ඉන්දියාව සහ මෙක්සිකෝවයි.

"සෑම මරණයක්ම ඛේදවාචකයක්," යනුවෙන් අගමැති බොරිස් ජොන්සන් පැවසීය.
විශ්ලේෂකයන් පෙන්වා දෙන්නේ බ්‍රිතාන්‍යයේ සෑම මරණ 10කින්ම නවයක් වයස 65ට වැඩි පුද්ගලයන්ගේ බවයි.
අගුලු දැමීම ප්‍රමාද වීම සහ රෝගීන් ලුහුබැඳයෑම කාර්යක්ෂමව සිදුනොවීම හේතුවෙන් මෙම තත්ත්වය උදාවූ බව ද විශ්ලේෂකයෝ පෙන්වා දෙති.

වසංගතය ආරම්භයේ සිට මේ දක්වා බ්‍රිතාන්‍යයෙන් කොරෝනා ආසාදිතයන් මිලියන 1.2ක් පමණ තහවුරු වී තිබේ.
පසුගිය පැය 24 තුළ නව රෝගීන් 22,950ක් වාර්තා විය.

(බීබීසී ඇසුරිණි - 085)