(ප්‍රසාද් රුක්මල් )

බදුල්ල දිස්ත්‍රික්කයේ වර්ශාවත් සමග  නායයාම්, පස්කදු ගල්පර්වත ගස්කොළන් කඩා වැටී සිදුවු ආපදාවන් වලින් අද (30)  දහවල්    වනවිට පුද්ගලයන් 71ක් මියගොස් 53දෙනෙකු අතුරුදහන් ව පවුල් 7973ක පුද්ගලයන් 32762ක් විපතට පත්ව සිටින බව බදුල්ල දිස්ත්‍රික් ලේකම් පණ්ඩුක ශ්‍රී ප්‍රභාත් අබේවර්ධන මහතා පවසයි .

දිස්ත්‍රික්කයේ දැනට පිහිටුවා ඇති සුරක්ෂිත මධ්‍යස්ථාන 181 ක පවුල් 5524ක සාමාජිකයන් 22373ක් රැදී  සිටින බවත් ,සෙසු පිරිස නෑදෑ හිතවතුන් ගේ නිවාස වල තාවකාලිකව නතර වී සිටින බවත්,ආපදාවන් වලින් තුවාල ලැබූ 15 ක් රෝහල්ගත කර ඇතිඅතර,නිවාස 151කට පූර්ණ හානි සිදුව නිවාස 1073 කට අර්ධ හානි සිදුව ඇතයි  හෙතෙම  කීය .

බදුල්ල දිස්ත්‍රික්කයට වර්ශාවත් නොමැතිව හිරු එළිය පතිත වී යහපත් කාලගුණික තත්ත්වය ක් පැවතිය ද අද (30) අලුයම වැලිමඩ කැප්පෙටිපොළ සිල්මියාපුර   රේන්දපොල  ප්‍රදේශයේ සිදුවු නායයාමකින්   දෙදෙනකු මියගොස් නවදෙනෙකු අතුරුදහන් ව විදේශීය සංචාරක කාන්තාවන් තිදෙනෙකු ඇතුලු පුද්ගලයන් 700ක් විපතට පත් ව තාවකාලිකව සුරක්ෂිත මධ්‍යස්ථානය ක  රදවා තබා ඇතයි දිස්ත්‍රික් ලේකමවරයා පැවසිය .

මෙම විදේශීක සංචාරක කාන්තාවන් තිදෙනා මෙක්සිකෝව සහා අජන්ටිනා ජාතිකයින් වෙති .

කන්දේගෙදර මූලික රෝහල , ස්ප්‍රිංවැලි ප්‍රාදේශීය රෝහල,  නායයාමේ අවධානම මෙන්ම මහියංගන මූලික රෝහල ගංවතුර ට හසුවීමෙන් විනාශවී යාම නිසාවෙන් වසා දැමූ බවත් දිස්ත්‍රික් ලේකම් පණ්ඩුක ශ්‍රී ප්‍රභාත් අබේවර්ධන මහතා කීය .

වර්ශාවත් සමග බදුල්ල දිස්ත්‍රික්කයේ සිදුවු ආපදාවන් වලින් අනතුරුව දිස්ත්‍රික්කයේ ප්‍රධාන මාර්ග  සහ අතුරු මාර්ග 75/.ක් පමන අවහිර වී ඇත.දිස්ත්‍රික්කයේ ජල සම්පාදනය මුලුමනින්ම විනාශ වී ගොස් අඩාල වී ඇති අතර , බවුසර් මගින් ජලය බෙදාහැරීමට කටයුතු සිදු කරන බවත් වැවිලි හා ප්‍රජා වතුයට්තල පහසුකම් අමාත්‍ය සමන්ත විද්‍යාරත්න මහතා පැවසිය .

වැලිමඩ , ඌවපරනගම , මහියංගන , රිදීමාලියද්ද  ප්‍රාදේශීය ලේකම් කොට්ඨාස වල ජල සැපයුම මුලුමනින්ම අඩාල වී ඇති බවත් , දිස්ත්‍රික්කයේ ප්‍රවේශ මාර්ග රැසක්  ඊයේ (30) වනවිටත්  අවහිර වී තිබීම නිසාවෙන් එම ප්‍රදේශයේ සුරක්ෂිත මධ්‍යස්ථාන කරා අවශ්‍ය ආහාර පාන , අත්‍යවශ්‍ය  ද්‍රව්‍ය කරමතින් මෙන්ම තවලම් ආධාරයෙන් රැගෙන යන බවත් අමාත්‍ය වරයා කීය .

බදුල්ල-  මහියංගන , පස්සර - ලුණුගල, බදුල්ල - පස්සර  , මඩොල්සිම - පස්සර , ඇකිරිය  මැටිගහතැන්න මඩොල්සිම , හාලිඇල - ගල උඩ, මීගහකිවුල  කලුගහකදුර රෝබේරිය, ස්ප්‍රිංවැලි දෙමෝදර , බණ්ඩාරවෙල - ඇටම්පිටිය , ඇල්ල - වැල්ලවාය , ඇල්ල නමුණුකුල පස්සර, යන මාර්ග ඊයේ (30) වනවිටත් අවහිර වී රථවාහන ධාවනය මුලුමනින්ම ඇණහිට තිබින .

මේ අතර වර්ශාවත් සමග බදුල්ල ඔයේ වත්ත, ස්ප්‍රිංවැලි , මඩොල්සිම මැටිගහතැන්න , හාලිඇල  ගල උඩ, ලුණුගල ජනතාපුර ඉලුකාපතන, මහියංගන බදුල්ල  පාලම් රැසක් කඩාගෙන ගොස් විනාශවී  ඇති බවත් අමාත්‍ය සමන්ත විද්‍යාරත්න මහතා සදහන් කලේය .

පස්කදු කඩා වැටීමෙන් හානිවූ මාර්ග පිළිසකර කිරීම සදහා  අවශ්‍ය බැකෝ යන්ත්‍ර මෙන්ම රියදුරන් ප්‍රමාණවත්  නොවන බවත් බැකෝ යන්ත්‍ර ,රියදුරන් මුදල් ගෙවීමේ පදනම මත පිටපලාත්වල සිට  ගෙන්වා ගැනිමට කටයුතු කරන බවත් අමාත්‍ය සමන්ත විද්‍යාරත්න මහතා කීය.

වැලිමඩ ,ඌවපරනගම  ප්‍රදේශයේ විදුලි ට්‍රාන්ස්ෆෝමර 4 ක් කඩාගෙන බිමට වැටී විනාශවී ඇති බව පවසන අමාත්‍යවරයා මහියංගන විදුලි උපපොල සම්පූර්ණයෙන් ජලයෙන් යටවී ඇති බවත් ,සහන සේවා කටයුතු සිදු කිරිම සදහා මාතර ,රත්නපුර ආදී පිටපලාත්වල සිට රතු තරුව සහන බලඇණියේ 350ක පමන කංඩායමක් අද(30) බදුල්ල ට පැමිණීමට නියමිත යැයි ද සදහන් කලේය .

මේඅතර දිස්ත්‍රික්කයේ සුරක්ෂිත මධ්‍යස්ථාන සියල්ල ආවරනය වන පරදි සෞඛ්‍ය සේවා සැපයීමට වෛද්‍යවරුන්, වෛද්‍ය කාර්‍ය මංඩලය එක්වී ජංගම රථ පහක් යොදා ඇති බවත් , සියලුම සුරක්ෂිත මධ්‍යස්ථාන වල ආරක්ශාව වෙනුවෙන් පොලිස් නිළධාරින් රාජකාරියේ යොදවා  මහියංගන මූලික රෝහල කඩිනමින් පිළිසකර කිරිමට ඊයේ (30) යුධ හමුදා 250 ක පමන බලකායක් යෙදවූ බවත් වැවිලි හා ප්‍රජා වතුයට්තල පහසුකම් අමාත්‍ය සමන්ත විද්‍යාරත්න මහතා  වැඩිදුරටත් සදහන් කලේය .

පැවති මෙම ආපදාවන් හමුවේ ඇල්ල , හපුතලේ ප්‍රදේශයේ සිටි විදේශීක සංචාරකයන් සුරක්ෂිත ව සිටින බවත් , නුවරඑළිය ප්‍රදේශයේ සංචාරකයන් කොටුවී සිටින අතර ,ඔවුන් කඩිනමින් මුදවා ගෙන සංචාරක මංඩලයේ සංචාරක හෝටල් වල නොමිලේ නවතැන් පහසුකම් සලසා දීමට කටයුතු කර ඇතයි සංචාරක නියෝජ්‍ය අමාත්‍ය රුවන් රණසිංහ මහතා පැවසීය .

මීට අමතරව ගුවන් යානා ප්‍රමාදවීම නිසාවෙන් ගුවන්තොටුපලේ සංචාරකයන් පිරිසක් රැදී සිටින අතර, ඔවුනටද අවශ්‍ය පහසුකම් සලසා දී ඇති බව පවසන සංචාරක නියෝජ්‍ය අමාත්‍ය රුවන් රණසිංහ මහතා සංචාරකයින් ගේ වීසා දීරග කිරිම ගාස්තු අයකිරීමකින් තොරව සිදු කරන බවත් කීය .

මේ අතර ඉංදියානු රජයේ විශේෂ ආධාර යටතේ බදුල්ල දිස්ත්‍රික්කයේ විපතට පත් වුවන් කඩිනමින් මුදවා ගැනිමට ඉංදියානු යුධ හමුදා භට කංඩායමක් නවීන තාක්ෂණික උපකරන රැගෙන අද (30) බදුල්ල ට පැමිනීමට නියමිත තිබේ.

විශේෂයෙන් දැනට අත්‍යවශ්‍ය  සේවා සැපයීමට පමනක් බදුල්ල  මහියංගන මාර්ගය විවෘත කර ඇති බවත් අනෙකුත් වාහන සදහා තවදුරටත් එම මාර්ගය වසා දමා තිබෙන බවත් බදුල්ල දිස්ත්‍රික් ලේකම් පණ්ඩුක ශ්‍රී ප්‍රභාත් අබේවර්ධන මහතා පවසයි .

එමෙන්ම මෙම ආපදාවන් වලින් අනතුරුව බදුල්ල දිස්ත්‍රික්කයේ ආහාර හිගයක් අතිවන බව පවසමින් ඇතම් කූඨ වෙළදුන් වැඩි මිළට ආහාර ද්‍රව්‍ය බඩු බහාරාධිය අලෙවි කරන බවත් එම වෙළදුන් අත් අඩංගුවට ගැනීමේ විශේශ වැටලීම් කංඩායමක් යොදවා ඇතයි හෙතෙම කීය .

මේ අතර විවිධ අසත්‍ය පුවත්පත් මාධ්‍ය මෙන්ම සමාජ මාධ්‍ය හරහා විවිධ පිරිස් පලකර ප්‍රචාරය කරන බවත් එසේ අසත්‍ය පුවත් ප්‍රචාරය කර විපතට පත් ජනතාව තව දුරටත් අසීරුතාවයකට පත් නොකරන ලෙසට බදුල්ල දිස්ත්‍රික් ලේකම් පණ්ඩුක ශ්‍රී ප්‍රභාත් අබේවර්ධන මහතා    ඉල්ලා සිටි.

ආපදාවන් වලින් බදුල්ල දිස්ත්‍රික්කයේ ප්‍රදේශ රැසක විදුලි බල ය ඇණහිට තිබෙන නිසාවෙන්  බදුල්ල නගරයේ ඉන්ධන පිරවුම් හලේ භූමිතෙල් මිළදී ගැනිමට ජනතාව පෝලීමේ රැදී සිටියහ .

බදුල්ලේ බස්‍ රථ ධාවනය තවදුරටත් අඩාල වී තිබේ.ජලය නොමැතිව බදුල්ල නගරයේ ආපනශාලා , හෝටල් මෙන්ම වෙළ්දසැල්ද රැසක් වසා දමා තිබින .

බදුල්ල දිස්ත්‍රික්කයේ ආපදාවන් වලට ලක්වූ පිරිස් මුදාවා ගැනීමේ කටයුතු තවදුරටත් සිදුවෙමින් පවතින අතර, මාර්ග සංවර්ධන අධිකාරිය සේවකයන්  සහ ත්‍රිවිධ හමුදා ,පොලිස් නිළධාරින් එක්වී  දැනට දිස්ත්‍රික්කයේ අවහිර වී ඇති මාර්ග පිළිසකර කිරිමට දිවා රාත්‍රි දෙකෙහි කටයුතු සිදු කරන බවත් මාර්ග සංවර්ධන අධිකාරියේ විධායක ඉංජිනේරු බදුල්ල  එස්.එස්.හෙන්නායක මහතා සදහන් කලේය .