(අංජුල මහික වීරරත්න සහ සුජිත් හේවාජුලිගේ)

බදුල්ල මහ රෝහලේ පරිශ්‍ර ගණනාවක විදුලිය කපා දමා ඇතැයි විපක්ෂ නායක සජිත් ප්‍රේමදාස මහතා පාර්ලිමේන්තුවේ දී පැවසීය.

 විදුලි බිල  නොගෙවීම නිසා මේ තත්ත්වය ඇති වී තිබෙන බව කී ප්‍රේමදාස මහතා මේ ගැන වහා මැදිහත් වන්නැයි ඉල්ලා සිටියේය.

හම්බන්තොට දිස්ත්‍රික්කයේ රෝහල් වල ගිලන් රථ වලට ඉන්ධන සපයා ගන්නට හැකියාවක් නැති වී ඇතැයි කී විපක්ෂ නායකවරයා මුදල් ප්‍රශ්නය නිසා මෙලෙස ඉන්ධන සපයා ගැනීමට නොහැකි වී තිබෙන බවද සඳහන් කළේය.

මුදල් රාජ්‍ය අමාත්‍ය රංජිත් සියඹලාපිටිය මහතා කීවෙි රජයේ වියදම් අතර ප්‍රමුඛතම වියදම වන්නේ  සෞඛ්‍ය වියදම බවත් සජිත් ප්‍රේමදාස මහතා මතු කළ කාරණා දෙක පිළිබඳවම සොයා බලන බවත්ය.