(පුෂ්පකුමාර මල්ලවආරච්චි) 

පල්ලෙවෙල. කැන්දලන්ද ප්‍රදේශයේ නිවසක් අද 11 සවස  කඩා වැටීමෙන් පුද්ගලයෙකු ඊට යට වී ඇතැයි වේයන්ගොඩ  පොලිසිය කියයි 
අද (11) සවස  මෙසේ අනතුරට පත් ව ඇත්තේ අසූ හැවිරිදි වියේ පසුවූ දෙදරු පියකු බව පොලිසිය කියයි.

නිවසට යට වුණු පුද්ගලයා හුදකලාව නිවසේ ගත කර ඇතැයිද ඔහුගේ දරුවන් ඊට යාබද වෙනත් නිවෙස් වල පදිංචිව සිටින බවද හෙළි වී ඇත.  
නිවසට යටවූ පුද්ගලයා ගොඩගැනීම සඳහා නිවසේ සුන්බුන් ඉවත් කිරීම සඳහා මීරිගම ප්‍රාදේශීය ලේකම් ඉන්දික ප්‍රසාද් මහතාගේ මෙහෙයුම යටතේ කටයුතු කෙරිණි.
පස්වරු 6.00 ට පමණ පුද්ගලයාගේ දේහය සොයා ගත් අතර ඔහු ඒ වන විටත් මියගොස් තිබූ බවත් මරණ පරීක්ෂණ කටයුතු සඳහා රෝහල්ගත කළ බව වේයන්ගොඩ පොලිස් ස්ථානාධිපති ප්‍රධාන පොලිස් පරීක්ෂක චන්න වෑත්තෑව  මහතා සඳහන් කළේය .