මැක්ස් Wednesday, 21 February 2024 03:35 PM

අපගේ පැරැන්නන් විසින් ඉතිහාසය පුරා සිදුකරන ලද විශ්ව කර්ම නිර්මාණ සොයාගැනීම සේම එවන් නිර්මාණ කිරීම උදෙසා අවැසි දැනුම ලබා ගත්තේ කෙසේද යන්නත් සොයා බැලිය යුතුයි. පරිසරය ද මානව ප්‍රජාව ද ආරක්ෂා කරගෙන අනාගතය වෙනුවෙන් එදා කළ දහසක් දේ ළඟටවත් යන්නට වර්තමානයේ අප කිසිවකුට හෝ නොහැක්කේ ඇයිද යන්නත් එවිට වැටහෙනු ඇත. විශ්ව විද්‍යාල කප්පරක් තිබුණත්, ඒවායේ විද්‍යාර්තීන් යයි හඳුන්වන උදවිය අන්නන්තවත් හිටියත් ලෝකයට අලුත් දැනුමක දෙන්නට තබා අපටවත් රටක් හැටියට ඉහළට එන්න නොහැක්කේ මන්ද යන්නත් එවිට වැටහෙනු ඇත. මෙවැනි කාර්යයක් කිරීම සඳහා කයිවාරුකාර ජාජබය වත්, සජබයවත්, අලියා හෝ පොහොට්ටුවවත් තම තම න්‍යාය පත්‍රවල ඉඩක් වෙන්කර නොමැත්තේ ඔවුන් සියලු දෙනාම හුදු අනුකාරකයින් පමණක් නිසායි.