(ගයාන් සූරියආරච්චි)

බොරැල්ල හා මැණික් ටවුන් යන ප්‍රදේශයන් වල මත්ද්‍රව්‍ය බෙදාහැරි සංවිධානාත්මක අපරාධකරුවකු හා මහා පරිමාණ මත්ද්‍රව්‍ය ජාවාරම්කරුවකු වන පිඩලිවත්තේ ෆයිසාල්ගේ ප්‍රධාන ගෝලයකු ලක්ෂ හයක් පමණ වටිනා හෙරොයින් සමඟ ඊයේ බොරැල්ල කිතුල්වත්ත පටු මග ප්‍රදේශයේදී අත්අඩංගුවට ගත් බව පොලිස් විශේෂ කාර්ය බලකාය පවසයි.

අත්අඩංගුවට ගත් සැකකරු වයස අවුරුදු 20 බොරැල්ල කිතුල් වත්ත පටු මග ප්‍රදේශයේ පදිංචි පුද්ගලයෙකි .

සැකකරුවත් අඩංගුවට ගන්නා අවස්ථාවේදී ඔහු සන්තකයේ තිබී හෙරොයින් ග්‍රෑම් 18 ක් සොයාගත් බව පොලිස් විශේෂ කාර්ය බලකාය පවසයි.

2023 වර්ෂයේ දී පැහැරගත් යතුරු පැදියකින් යම්කිසි අපරාධයකට පිටව යාමේ දී වැල්ලවත්ත පොලිස් ස්ථානයේ රථවාහන අංශයේ පොලිස් නිලධාරීයකුගේ අත තියුණු ආයුධයකින් කපා පැන ගොස් සිටියදී අත්අඩංගුවට ගෙන අධිකරණයට ඉදිරිපත් කිරිමෙන් පසු ඇප මත සිටි පුද්ගලයෙකු බව පොලිසිය කියයි.