(ප්‍රසංග පෙරේරා සහ ගයාන් සූරිය ආරච්චි ) 

වයස මාස 09 ක ළදැරියක ළිං පතුළක මියගොස් සිටියදී ඊයේ (28) දින සොයාගත් බව මහබාගේ පොලීසිය පවසයි.

මහබාගේ රාගම හල්ලන්දුරුව ප්‍රදේශයේ පුද්ගලයකුට අයත් ළිඳක මියගොස් ජලය මත පා වෙමින් තිබියදී මෙම මළ සිරුර සොයා ගනු ලැබිණි.

මිය ගිය ළදැරිය හල්ලන්දුරුව රාගම ලිපිනයේ පදිංචි 30 හැවිරිදි කාන්තාවක අත්අඩංගුවට ගත් බව මහබාගේ පොලිසිය පවසයි.

පවුල් ආරවුලක් දුරදිග යාමෙන් මව විසින්  නිවස අසල පිහිටි ළිඳකට බිළිඳිය විසිකර ඝාතනය කරන්නට ඇති බව පොලිසිය සැක පල කරයි.

දැරියගේ පියා වත්තල ප්‍රදේශයේ වාහන අංගනයක සේවය කරන බව ද පොලිසිය පවසයි.

ළදැරියකගේ අතුරදන් වීමක් සම්බන්ධයෙන් පොලීසියට ලද දුරකථන ඇමතුමක් අනුව පොලිසිය හා ප්‍රදේශවාසීහු එක්ව කළ සොයාබැලීමේ දී සීසීටීවී දර්ශන අනුව ළදැරියගේ මව විසින් ඇයව වඩාගෙන දැරිය මියගොස් සිටි ළිඳ පිහිටි නිවස දෙසට ගමන් කරන අයුරු නිරීක්ෂණ වී තිබේ.

ළදැරිය මියගොස් ඇති ආකාරය සැක සහිත බැවින් වැලිසර වැඩබලන මහේස්ත්‍රාත්වරයා විසින් සිදු කළ ස්ථානීය පරීක්ෂාවකින් පසුව දේහය පිළිබඳ පශ්චාත් අධිකරණය මරණ පරීක්ෂණයක් පැවැත්වීමට දේහය රාගම රෝහලට රැගෙන යන ලෙස පොලිසියට උපදෙස් දී ඇත.

සැකකටයුතු මරණය සම්බන්ධයෙන් මහබාගේ පොලිසිය විසින් පරීක්ෂණයක් ආරම්භ කර තිබේ.