( කුෂාන් ජයවර්ධන)

ගල්නෑවේ ගෙවත්තක නිධන් සොයා යාග හෝම පවත්වමින් අනවසර කැණිමක් සිදුකරමින් සිටි කපුවෙකු ඇතුලු පුද්ගලයින් පස් දෙනෙකු ගල්නෑව පොලිසිය මගින් අත්අඩංගුවට ගෙන තිබේ.

ගල්නෑව ප්‍රෙද්ශයේ ගෙවත්තක කිසියම් පිරිසක් අනවසර කැණිමක් සිදුකරන බවට ගල්නෑව පොලිසියට ලද තොරතුරක් අනුව එම නිලධාරීන් සිදුකළ ක්ෂණීක වැටලීමකදී සැකකරුවන් අත්අඩංගුවට ගැනීමට පොලිසියට හැකිව තිබේ.

වැටලීම සිදුකරන අවස්ථාව වනවිටත් කපු මහතකු විසින් සිදුකළ යාග හෝම මැද සැකකරුවන් අදාළ ගෙවත්තේ ස්ථානයක අනවසර කැණීම සිදුකරමින් සිටි බව පොලිසිය කියයි.  

සැකකරුවන් එම කැණීම සිදු කිරීමට යොදා ගත් කැනීම් උපකරණ රැසක් ද පූජා භාණ්ඩ රැසක් ද සැකකරුවන් සමඟ පොලිස් භාරයට ගෙන තිබිණ.