(සුජිත් හේවාජුලිගේ සහ අංජුල මහික වීරරත්න )

දූෂණ විරෝධි පනත් කෙටුම්පත ලබන 21 වැනිදා විවාදයට ගැනිමට පාර්ලිමේන්තු කටයුතු පිළිබඳ කාරක සභාවේදී අද (8) තීරණය කළේය.

එසේම පාර්ලිමේන්තුවේ අයවැය කාර්යාලය පනත් කෙටුම්පත ලබන 20 වැනිදා විවාදයට ගැනීමටද මෙහිදී තීරණය කර ඇත.

පාර්ලිමේන්තු කටයුතු පිළිබඳ කාරක සභාව කතානායක මහින්ද යාපා අබේවර්ධන මහතාගේ ප්‍රධානත්වයෙන් පාර්ලිමේන්තු සංකීර්ණයේදී ඊයේ(8) පැවැත්විණ.

රටේ දූෂණ අල්ලස වැළැක්වීම සඳහා විධිවිධාන සැලැස්වීම මෙම පනත් කෙටුම්පතේ අරමුණයි.

මේ අතර දූෂණ විරෝධී පනත් කෙටුම්පතේ වගන්ති 28 ක් ආණ්ඩුක්‍රම ව්‍යවස්ථාවට පටහැනි බව ශ්‍රේෂ්ඨාධිකරණය කතානායකවරයාට පසුගියදා දැනුම් දුන්නේය. එසේම එම වගන්ති සංශෝධනයෙන් ඒ අනුකූල නොවන තත්වය ඉවත්කර ගත හැකි බවද ශ්‍රේෂ්ඨාධිකරණය වැඩිදුරටත් දැනුම්දී තිබිණ.