(බිමල් ශ්‍යාමන් ජයසිංහ)

දීර්ඝ කාලයක සිට හොරණ ප්‍රදේශයේ උපකාරක පන්ති කේන්ද්‍ර කරගනිමින් එහි අධ්‍යාපනය ලබන සිසුන්ට මත්පෙති අලෙවි කළ බව කියන කාන්තාවක් අත්අඩංගුවට ගත් බව පොලිස් විශේෂ කාර්ය බලකායේ කියයි.

සැකකාරිය සන්තකයේ තිබී පෙති සියයක් පොලිස් බාරයට ගෙන ඇත.

පොලිස් විශේෂ කාර්යය බලකා  හොරණ කඳවුරේ නිලධාරීන්ට ලද තොරතුරකට අනුව පොලිස් පරීක්ෂක ආර් එන් ටි ආචාර්ය ඊ මහතා ඇතුළු කණ්ඩායමක් විසින් සැකකාරිය අත්අඩංගුවට ගෙන ඇත්තේ හොරණ දෙල්ගහ ගොඩැල්ල ප්‍රදේශයේදීය.

සැකකාරිය හොරණ  නගරයේ උපකාරක පන්ති අසල  ගැවසෙමින් සිසුන් ඉලක්ක කර ගෙන රුපියල් 250 ,300 සහ 500 ආදී මිල ගණන් වලට මත්පෙති අලෙවි කර ඇති බව මූලික විමර්ශනවලදී අනාවරණය වී ඇත.

පනස් හැවිරිදි සැකකාරිය  වැඩිදුර විමර්ශන කටයුතු සඳහා හොරණ  පොලිස් ස්ථානය වෙත භාරදී ඇත.

පොලිස්      විශේෂ කාර්ය බලකාය අණදෙන නිලධාරී නියෝජ්‍ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි කළුතර කලාපය බාර ජේෂ්ඨ පොලිස් අධිකාරී අතුල රත්නායක මහතාගේ මෙහෙයවීම මත, සහකාර පොලිස් අධිකාරී රනසූරිය මහතාගේ අධීක්ෂණයෙන් විශේෂ කාර්ය බලකාය හොරණ කඳවුරේ කඳවුරු අණදෙන නිලධාරී පොලිස් පරික්ෂක ආර්.එන්.ටී. ආචාරිගේ ඇතුළු නිලධාරීන් කණ්ඩායමක් වැටලීම සිදුකර ඇත.