2023 පෙබරවාරි මස 05 වන ඉරිදා
(පුෂ්පකුමාර මල්ලවආරච්චි)
ජීවන වියදම ඉහළ යාම, බදු බර ඉහළ දැමීම, විදුලි ගාස්තු වැඩි කිරීම ඇතුළු ජනතා ජීවිතයට බලපාන ප්‍රශ්න සඳහා ඉක්මන් විසඳුම් ලබාදීමට රජයට බලකරන විරෝධතාවයක් අද 14 පස්වරුවේ මීරිගම බස් නැවතුම්පොළ සමීපයේ දී පැවැත්විණි.
සමගි ජන බලවේගයේ මීරිගම ප්‍රධාන සංවිධායක හිටපු පළාත් සභා මන්ත්‍රී උපුල් දේවවනවාස මහතා සහ සහාය සංවිධායක ම.ආ. පියතිලක මහතා ඇතුළු ක්‍රියාකාරීන් විසින් මෙම විරෝධතාවය සංවිධානය කරනු ලැබීය.
ජීවන වියදම ඉහළ යාමත් උගතුන් රට හැර හැර යාමත් වලක්වා රට ස්වයංපෝෂිත කිරීම සඳහා පවත්නා රජය පෙරලා දමා සමගි ජනබලවේගයේ රජයක් පිහිටුවා ගැනීමට එක්වන ලෙසට විරෝධතා කරුවෝ මෙහිදී ජනතාවට ආයාචනයක්ද කළහ.
v
