ජපාන ස්වයං ආරක්ෂක සාගරික බළකායට අයත් ‘ඉකසුචී’ නෞකාව සුහද සංචාරයක් සඳහා අද (15) හම්බන්තොට වරායට සේන්දු විය.
ශ්රී ලංකා නාවික හමුදාව විසින් නාවික සම්ප්රදායානුකූලව එම නෞකාව පිළිගන්නා ලදී.
‘ඉකසුචී’ නෞකාව හම්බන්තොට වරායට සේන්දු වීමෙන් පසුව නෞකාවේ මෙහෙයුම් බාර නිලධාරිවරයා වශයෙන් කටයුතු කරනු ලබන කපිතාන් රොයොකෝ ඉසුමා මහත්මිය සහ අණදෙන නිලධාරි ඇතුළු නිලධාරීහු පිරිසක් දකුණු නාවික විධාන බාර ආඥාපති, රියර් අද්මිරාල් කපිල සමරවිර මහතා හමුවූහ.
එහිදී ඔවුන් අන්යෝන්ය වශයෙන් වැදගත් කරුණු කිහිපයක් පිළිබඳව සුහද පිළිසඳරක නිරත වූහ.
මෙම අවස්ථාව සඳහා දකුණු නාවික විධානය බාර නියෝජ්ය ආඥාපති, කොමදෝරු රංජිත් ප්රේමරත්න මහතා සහ ශ්රී ලංකාවේ ජපාන තානාපති කාර්යාලයේ ආරක්ෂක උපදේශක වශයෙන් කටයුතු කරනු ලබන කපිතාන් අට්සුහිරෝ මොරොරෙ මහතා සහභාගී වූහ.
තෙදින නිල සංචාරයක් සඳහා පැමිණි නෞකාව, දිවයිනේ රැඳි සිටින කාල සීමාව තුළදී එහි නැව් මුළුව ශ්රී ලංකාවේ වැදගත් ස්ථානයන්හි සංචාරය කිරීමට සහ ශ්රී ලංකා නාවික හමුදාව විසින් සංවිධානය කරනු ලබන වැඩසටහන් කිහිපයකට ද සහභාගී වීමට නියමිතය.
(28535)
ඡායාරූප - නාවික හමුදා මාධ්ය අංශය





2025 දෙසැම්බර් මස 18
145
0
ශ්රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා
2025 දෙසැම්බර් මස 16
147
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
951
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
ජපාන නෞකාවක් හම්බන්තොට වරායට
Bamunuarachchi Thursday, 17 January 2019 01:44 AM
පෙනුමෙන් ඇමරිකන්ස් ලා වගේ හැඩිදැඩි නොවුනාට පර්ල්හාබර් එකටත් වැඩ දුන්නේ මේ මොලවලින් තමයි. පරමාණු බෝම්බයට යට නොවන්න මේ ගොල්ලෝ මේවන විට දකුණු ආසියාවම අල්ලලා.
Bamunuarachchi Thursday, 17 January 2019 01:48 AM
අපේ නාවික හමුදාවේ මීට වඩා ස්මාර්ට් පෙනුම ඇති නාවිකයෝ නැද්ද? ඒකට 1950ස් ගණන්වල. ඒ කාලේ අපිටත් හිතුනා ලොකු උනාම නාවික හමුදාවට බැඳෙන්න.
Bamunuarachchi Thursday, 17 January 2019 01:51 AM
අපේ හාදයා විතරයි දත් පෙන්නලා හිනා වෙන්නේ. හමුදා නිලධාරීන් එහෙම කරනවා මම දැක නැත හමුදා ලොක්කෝ ඒ ගැන මොනවාද කියන්නේ.