(නිමල් ජයරත්න)

තම පක්ෂයට මනාපය ලබා නොදුනහොත් අනවසරයෙන් පදිංචි වී සිටින ඉඩම අවලංගු කරන බවට පවසා අරලගංවිල ඉහළවැව ප්‍රදේශයේ ජාතික ජන බලවේගයේ සාමාජිකාවකට බලපෑම් කළේ යැයි, කියන සිද්ධියක් සම්බන්ධයෙන් සමගි ජන බලවේගය පක්‍ෂයේ දම්මින්න කොට්ඨාස සංවිධායකවරයා අත්අඩංගුවට ගත් බව අරලගංවිල පොලිසිය කියයි.

කාන්තාව අරලගංවිල පොලිසියට කරන ලද පැමිණිල්ලකට අනුව අදාළ සංවිධායකවරයා අත්අඩංගුවට ගෙන ඇති අතර ඔහු පොලිස් ඇපමත මුදාහැරීමටද පසුව ඔහුට විරුද්ධව නඩු පැවරීමටද කටයුතු කරන බව අරලගංවිල පොලිසිය සඳහන් කරයි

දිඹුලාගල දම්මින්න කොට්ඨාසයේ අදාල සංවිධායකවරයා එම කාන්තාවගේ නිවසට ගොස් පදිංචි ඉඩම අවලංගු කරන බවට බලපෑම් කර, සමගි ජන බලවේගයට ඡන්දය දෙන ලෙසට බලපෑම් කිරීම පිළිබඳව අරලගංවිල ඉහළවැව එම්.ඩී.එල්. චතුරිකා ද සොයිසා මහත්මිය පොලිසියට පැමිණිල්ලක් කර ඇති බවද හේමපාල මහතා සඳහන් කළේය.