(ජේ.කේ.එල්. චාමින්ද)

ගොවි විශ්‍රාම වැටුප් හිමිවිය යුතු  වයස අවුරුදු 60 සම්පුර්ණ වු ගොවින්  264,227 දෙනෙකුට  ගොවි විශ්‍රාම වැටුප් ගෙවා නොතිබු බව ජාතික විගණන කාර්යාලය මගින් නිකුත්කොට ඇති  විගණන වාර්තාවක සදහන් වේ.

 මෙකි විගණන වාර්තාවට අනුව ගොවි විශ්‍රාම වැටුප් යෝජනා  ක්‍රමය තුළ  ලියාපදිංචි වි ඇති ගොවින්  සංඛ්‍යාව අටලක්ෂ 871,425 කි.

 2023 වර්ෂයේ දෙසැම්බර් මස 31 දිනට  වයස අවුරුදු 61 සිට  අවුරුදු 93 දක්වා   වයස්ගත වු ගොවින් සංඛ්‍යාව 474,803කි.

මින් ගොවින් 264,227 දෙනෙකුට   ගොවි විශ්‍රාම වැටුප ගෙවා නොතිබු බවද  විගණනය මගින් අනාවරණය කොට ඇත. 2022 වර්ෂයේ දි අවුරු දු 60 සම්පුර්ණ කළ විශ්‍රාම වැටුප හිමිවිය යුතු  ඉල්ලුම්පත් එවා නොමැති දායකයින් සොයා විශ්‍රාම වැටුප් ලබාදිමට අවශ්‍ය  කටයුතු කරණ ලෙස  කෘෂිරක්ෂණ මණ්ඩලයේ  සියලුම දිස්ත්‍රික් හා සහකාර  අධ්‍යක්ෂකවරුන් වෙත  ලිඛිතව දන්වා තිබුණි.

 එහෙත් දිස්ත්‍රික් කාර්යාල  12ක  නියැදියක් පරික්ෂාකිරිමේ දි  ඉන් දිස්ත්‍රික් කාර්යාල 06ක්  එම ලිඛිත දැනුම් දිම අනුව කටයුතු කර නොතිබුණි. වයස අවුරුදු 60 සම්පුර්ණ කළ  විශ්‍රාම වැටුප ඉල්ලුම් නොකළ  දායකයින් හදුනා ගැනිමට අවශ්‍ය කටයුතු කරණ ලෙස  විගණනය මගින් නිර් දේශ කොට ඇත.